“Similarweb” şirkətinin tərtib etdiyi siyahıya əsasən “ChatGPT” dünyada ən çox ziyarət olunan saytlar arasında beşinci yeri tutub.

İstifadəçilərin “ChatGPT” saytında keçirdiyi orta vaxt 7 dəqiqə 15 saniyə təşkil edir. Bir ziyarət zamanı onlar adətən təxminən 4,15 səhifəyə baxış keçirirlər. Saytı yalnız bir səhifəyə baxdıqdan sonra tərk edənlərin faizi isə 29,59-dur.

Reytinqin ilk pilləsində “Google” axtarış sistemi qərarlaşıb. Burada istifadəçilər orta hesabla 10 dəqiqə 31 saniyə vaxt keçirirlər və bir ziyarət zamanı 8,91 səhifəyə baxırlar. “Google” saytını yalnız bir səhifəyə baxdıqdan sonra tərk edənlərin faizi isə 26,57-dir.

17-ci əsr kimyaçıları ucuz qurğuşunu qiymətli qızıla çevirməyi xəyal edirdilər. Lakin protonların sayındakı fərqə görə bu, kimyəvi baxımdan mümkün deyil. Buna baxmayaraq, CERN fizikləri Böyük Adron Kollayderi (BAK) vasitəsilə qurğuşun ionlarını toqquşduraraq transmutasiya həyata keçiriblər. Doğrudur, qurğuşun yalnız ani bir anlıq qızıla çevrilib və bu proses böyük enerji sərfi tələb edib. CERN alimləri kimyaçıların arzusunu reallaşdıraraq, işıq sürətinə yaxın sürətlə hərəkət edən qurğuşun ionlarından ibarət şüaları bir-birinə qarşı yönəldiblər.

Əsasən kimyəvi zavodlar və neft-qaz sənayesi müəssisələri tərəfindən atılan sənaye tullantı suları mürəkkəb çirkləndirici maddələrdən təşkil edilir. Təbii mikroorqanizmlər bu çirklənmələrlə mübarizə apara bilmir, lakin Çindən olan bioloqlar komandası bu sahədə irəliləyişə nail olublar. Onlar yüksək duzluluğa malik tullantı sularında 5 müxtəlif tip orqanik çirkləndiricini eyni vaxtda parçalaya bilən yeni bir bakteriya ştammı yaradıblar. Kimya və neft-qaz sənayesinə məxsus sənaye müəssisələrinin tullantı sularında adətən bərk asılı maddələr, orqanik birləşmələr, ağır metallar, toksik kimyəvi maddələr və qida duzları olur.

Google, nəhayət, illərdir dəyişməz qalan “G” loqosuna yeni bir toxunuş edib. Belə ki, yeni loqo dizaynında hamar rəng keçidləri var. Google 10 illik fasilədən sonra ilk dəfə ikonik “G” loqosunu yeniləyib. Bu dəfə dörd rəngi bir-birindən kəskin şəkildə ayırmaq əvəzinə, yumşaq keçidlərlə rənglərin bir-birinə qarışdığı daha axıcı və müasir dizayna keçib.

Google-un yenilənmiş simvolu ilk olaraq iPhone istifadəçilərinə çatıb. iOS-da Google Axtarış tətbiqinin ən son yeniləməsi ilə loqo dəyişib.

Çin tədqiqatçıları optik lif vasitəsilə 1200 kilometr məsafədə saniyədə 1 terabit (Tbps) sürətlə məlumat ötürülməsinə nail olublar. Bunun özü çox təsir edici deyil, amma vacib olan odur ki, ötürülən məlumat işıq səviyyəsində şifrələnir. Bu mühüm nailiyyət Şanxay Jiao Tonq Universitetinin professoru Lilin Yinin rəhbərlik etdiyi komanda tərəfindən hazırlanmış İnteqrasiya edilmiş Şifrələmə və Kommunikasiya Sistemi (IEAC) sayəsində mümkün olmuşdur. Qeyd edək ki, professorun rəhbərlik etdiyi komanda məlumat ötürülməsi üçün işığın özünü şifrələməyi seçərək unikal həll təklif edir.