WhatsApp, istifadəçilərə söhbətlərində əlavə məxfilik səviyyəsi təmin edəcək yeni bir funksiyanın istifadəyə verildiyini elan edib. Advanced Chat Privacy adlanan bu yeni ayar, yazışmaların ixrac edilməsini və media fayllarının avtomatik olaraq cihazlara yüklənməsini həm sizin, həm də qarşı tərəfin cihazı üçün bloklayır. Əvvəllər WhatsApp-da mesajların yönləndirilməsinə qadağa qoymaq mümkün idi. Mesajlaşma artıq end-to-end şifrələmə ilə qorunur, lakin bu yeni funksiya məxfiliyi daha da gücləndirir. O, yalnız Meta AI ilə qarşılıqlı əlaqə imkanlarını məhdudlaşdırmaqla qalmır, həm də istifadəçilərə söhbətlərdə deyilən və göndərilən hər şeyin həmin çat çərçivəsində qalacağına dair əlavə güvən hissi verir.

 Bu gün YouTube platformasına ilk videonun yüklənməsindən düz 20 il ötür. Platformanın veb video playerinin istifadəçi interfeysinin hazırkı dizaynı 10 il ərzində dəyişdirilməmişdi və yubiley münasibətilə Google onu yeniləmək qərarına gəlib. Gözlənildiyi kimi, bu dəyişiklik bütün istifadəçilər tərəfindən bəyənilməyib. YouTube platformasında veb video player üçün yeni istifadəçi interfeysinin ortaya çıxması barədə bəzi Reddit forumu istifadəçiləri məlumat veriblər. Görünən odur ki, yeniləmə hələlik hər kəs üçün əlçatan deyil.

Tam elektrikli avtomobillərə (BEV) keçid avtomobil dünyasında gözlənildiyindən daha çətin bir dövrə girsə də, Renault ,Geely və Aramco-nun arxasında olan Horse Powertrain bu transformasiyaya yeni çeviklik gətirəcək texnologiyasını təqdim edib. Beləliklə, Gələcək Hibrid Konsepsiya (FHC) adlanan bu yeni güc aqreqatı, mövcud platformalarda əsaslı dəyişikliklər tələb etmədən, elektromobilləri hibrid etməyə imkan verir.

Meta şirkəti CapCut-a bənzər video yaradıcı tətbiqi olan Edits-in istifadəyə verildiyini rəsmi şəkildə elan edib. Qlobal şəkildə təqdim olunmuiş Edits tətbiqi yaradıcıların video ideyalarını izləməsinə, yeni məzmun üçün ilham almasına, effektlər və süni zəka alətləri ilə videolar yaratmasına imkan verəcək. Tətbiq həm İOS, həm də Android platformalarında mövcuddur. Tətbiqin bütün funksiyaları ilkin mərhələdə tamamilə pulsuz olacaq. Lakin bu ayın əvvəlində Instagram rəhbəri Adam Mosseri bildirmişdi ki, Edits-in gələcək versiyalarında ödənişli funksiyalar da ola bilər.

Yeni layihə Çinin texnologiya nəhəngi “Huawei” və telekommunikasiya operatoru “China Unicom”un birgə səyləri nəticəsində həyata keçirilib.

Yeni şəbəkə qabaqcıl 50G PON texnologiyası əsasında qurulub. Sınaq zamanı saatda 9834 meqabit olan ən yüksək məlumat yükləmə sürəti qeydə alınıb. Bu, adi giqabit internet sürəti ilə müqayisədə ötürmə qabiliyyətinin on dəfə artması deməkdir. Eyni zamanda, gecikmə yalnız 3 millisaniyə səviyyəsində sabit qalır ki, bu da mövcud standartları əhəmiyyətli dərəcədə üstələyir.

“Huawei” və “China Unicom” rəsmiləri 10G texnologiyasının istifadəçilərin gündəlik həyatını kökündən dəyişdirəcəyinə inanırlar. Ultra sürətli internetin 8K video, bulud yaddaşı, virtual və genişlənmiş reallıq həlləri kimi geniş bant genişliyi tələb edən tətbiqlər üçün təməl təmin edəcəyi gözlənilir.