Dünyanın ən kompakt ölçülü 1 TB-lıq SSD-si təqdim edilib
Buffalo şirkəti dünyanın ən kompakt ölçülü 1 TB-lıq SSD-ni təqdim edib. 5 qramm çəkiyə sahib olan bu SSD xarici görünüşcə mouse-lar üçün nəzərdə tutulmuş naqilsiz qəbulediciləri xatırladır. Sözügedən kompakt ölçülü SSD SSD-PST1.0U3-BA adını əldə edib və onun ölçüləri 14.6 x 28 x 8 mm təşkil edir. Bununla belə SSD-nin gövdəsinin böyük hissəsini USB 3.1 dəstəkli USB Type-A başlığı əhatə edir. Şirkətin sözlərinə əsasən kompakt ölçülü SSD dözümlülük baxımından MIL-STD-810H hərbi sertifikatına sahibdir. Ölçü baxımından üstünlüklərə baxmayaraq SSD çalışma sürəti mövzusunda diqqəti cəlb etmir. Belə ki, onda məlumatların oxunması sürəti saniyədə 600 MB, məlumatların yazılması sürəti isə saniyədə 500 MB təşkil edir. SSD-nin qiyməti təqribi olaraq 125$-dır.
X-in (keçmiş Twitter) CEO-su Elon Musk sosial şəbəkənin imkanlarından istifadə üçün nəzərdə tutulmuş iki yeni tarif planını anons edib. Birinci tarif planı aylıq ödəniş haqqının aşağı düşməsinə hədəflənib. Lakin bununla belə istifadəçiyə sərgilənəcək reklam elanlarının sayında azalma olmayacaq. İkinci tarif planı isə reklam elanlarının ümumiyyətlə sərgilənməməsinə hədəflənib və onun aylıq ödəniş haqqı daha baha qiymətə olacaq. Musk-ın elan etdiyi iki yeni tarif planı şirkətin çətin hala düşmüş maliyyə vəziyyətinə cavabıdır.
Meta şirkətinin süni zəka üzrə baş mütəxəssisi Yann LeCun bildirib ki, seni zəkanın hal hazırki inkişaf səviyyəsi aşağıdır və buna görə də onu tənzimləməyə ehtiyac yoxdur. Yann LeCun süni zəka barəsində yayılmış narahatedici fikirləri aradan qaldırmağa çalışıb və bu texnologiyanın tənzimlənməsi mövzusunda fərqli mövqeyi tutub. Mütəxəssis süni zəkanın hal hazırki məhdudlaşdırma cəhdlərini internetin ilk versiyasının nəzəri tənzimlənməsi ilə müqayisə edib. LeCun-un fikrincə hal hazırda ola biləcək istənilən məhdudiyyət nəyisə öyrənmək bacarığı baxımından hətta pişikdən belə geridə qalan sistemləri əhatə edəcək.
Qualcomm TWS qulaqlıqları, dinamikləri və digər simsiz audio cihazları üçün Snapdragon S7 Gen 1 və S7 Pro Gen 1 çiplərini təqdim etdi . Hər iki model Bluetooth 5.4 dəstəyinə malikdir və Pro versiyası 29 Mbit/s-ə qədər məlumat ötürmə sürətinə malik Wi-Fi modulu ilə təchiz edilib. Şirkət bildirir ki, Wi-Fi qulaqlıqların diapazonunu "bu gün tək Bluetooth-dan istifadə etməklə mümkün olandan kənara çıxaracaq".
Google Foto indi avtomatik olaraq RAW formatında fotoşəkillər üçün ehtiyat nüsxələri yarada bilər. Belə fotoşəkillər müvafiq işarə ilə qeyd olunur və açıldıqda siz JPEG formatına keçə bilərsiniz.
