Bazar ertəsi, 26 Fevral 2024

Threads artıq aylıq 100 milyon aktiv istifadəçi kütləsinə sahibdir

Yay fəslində Meta şirkəti tərəfindən istifadəyə verilmiş Threads adlı yeni sosial şəbəkə artıq aylıq 100 milyon aktiv istifadəçi kütləsi göstəricisinə çatıb. Bu barədə məlumatı Meta-nın CEO-su Mark Zuckerberg təqdim edib. Zuckerberg-in sözlərinə əsasən şirkət hal hazırda Threads-in növbəti inkişaf mərhələsi barəsində düşünəcəyi ana gəlib çatıb. Məlumata əsasən şirkət Threads üzərindən X (keçmiş Twitter) ilə ciddi şəkildə rəqabət apara biləcəyinə inanır. Instagram-ın rəhbəri Adam Mosseri bildirib ki, o, Threads-in Avropa Birliyi tərəfindən sosial şəbəkələrə olan tələblərinə yaxın aylar ərzində adaptasiya olacağına ümid edir.

Threads-də sorğu məqsədli paylaşımlar etmək mümkün olacaq

Meta şirkəti özünün X (keçmiş Twitter) analoqu olan Threads-ə yeni funksiyaların əlavə edilməsinə davam edir. Məlum olub ki, yaxın gələcəkdə Threads-dəki paylaşımların yaradılması panelinə sorğuların və GIF faylların əlavə edilməsi imkanları istifadəyə veriləcək. Instagram-ın rəhbəri Adam Mosseri isə öz növbəsində qeyd edib ki, Threads-də hal hazırda paylaşımlara baxış sayını əks etdirən sayğac və hesablarda paylaşımların yuxarı hissəyə bərkidilməsi funksiyaları test edilir. Təqdim edilmiş fotolardan da görmək olar ki, Threads-də yaxın zamanda səsvermə xarakterli və animasiyalı paylaşımlar etmək mümkün olacaq.

OpenAI süni zəkanın təhlükələrini aradan qaldıracaq xüsusi komandanı formalaşdırıb

OpenAI şirkəti süni zəka ilə bağlı potensial təhlükəli riskləri aradan qaldıracaq yeni komandanı formalaşdırdığını elan edib. OpenAI tərəfindən formalaşdırılmış bu komanda süni zəkanın yarada biləcəyi ciddi problemləri izləyəcək, qiymətləndirəcək və aradan qaldıracaq. Söhbət, o cümlədən nüvə təhlükəsindən, bioloji silah növündən, kiberhücumlardan və insanlarda yanlış fikirlərin formalaşdırılmasından gedir. Məlumatda qeyd edilib ki, komanda süni zəkanın inkişaf siyasətini risklərin nəzərə alınması ilə tərtib edəcək. Komandanın rəhbəri qismində isə Massacusets Texnologiya İnstitutunun machine learning üzrə mütəxəssisi Aleksander Madry çıxış edəcək. OpenAI şirkətinin fikrincə təkmilləşdirilmiş süni zəka modelləri bir çox fayda ilə yanaşı riskləri də özlərində birləşdirirlər.

Dünyanın ən kompakt ölçülü 1 TB-lıq SSD-si təqdim edilib

Buffalo şirkəti dünyanın ən kompakt ölçülü 1 TB-lıq SSD-ni təqdim edib. 5 qramm çəkiyə sahib olan bu SSD xarici görünüşcə mouse-lar üçün nəzərdə tutulmuş naqilsiz qəbulediciləri xatırladır. Sözügedən kompakt ölçülü SSD SSD-PST1.0U3-BA adını əldə edib və onun ölçüləri 14.6 x 28 x 8 mm təşkil edir. Bununla belə SSD-nin gövdəsinin böyük hissəsini USB 3.1 dəstəkli USB Type-A başlığı əhatə edir. Şirkətin sözlərinə əsasən kompakt ölçülü SSD dözümlülük baxımından MIL-STD-810H hərbi sertifikatına sahibdir. Ölçü baxımından üstünlüklərə baxmayaraq SSD çalışma sürəti mövzusunda diqqəti cəlb etmir. Belə ki, onda məlumatların oxunması sürəti saniyədə 600 MB, məlumatların yazılması sürəti isə saniyədə 500 MB təşkil edir. SSD-nin qiyməti təqribi olaraq 125$-dır.

Elon Musk X üçün (keçmiş twitter) iki yeni tarif planını anons edib

X-in (keçmiş Twitter) CEO-su Elon Musk sosial şəbəkənin imkanlarından istifadə üçün nəzərdə tutulmuş iki yeni tarif planını anons edib. Birinci tarif planı aylıq ödəniş haqqının aşağı düşməsinə hədəflənib. Lakin bununla belə istifadəçiyə sərgilənəcək reklam elanlarının sayında azalma olmayacaq. İkinci tarif planı isə reklam elanlarının ümumiyyətlə sərgilənməməsinə hədəflənib və onun aylıq ödəniş haqqı daha baha qiymətə olacaq. Musk-ın elan etdiyi iki yeni tarif planı şirkətin çətin hala düşmüş maliyyə vəziyyətinə cavabıdır.
Qeyd etmək lazımdır ki, bir neçə gün bundan öncə məlum oldu ki, X-in yeni istifadəçiləri sosial şəbəkənin baza funksiyalarından istifadə etmək üçün məcbur şəkildə illik 1$ ödəniş etməli olacaqlar. Ardını oxu...

       

         Telefon:  (036) 545 69 64

         E-poçt:  info@nmincom.gov.az

         Ünvan:  Naxçıvan şəhəri, AZ 7000, Atatürk 1,

         Naxçıvan Muxtar Respublikası

         İnternet və Yeni Texnologiyaların Tədrisi Mərkəzi

                                                                                         

1018006
Bu gün
Bu həftə
Bu ay
Ümumi
943
2020
21090
1018006
© 2023. Naxçıvan Muxtar Respublikası İnternet və Yeni Texnologiyaların Tədrisi Mərkəzi