Süni zəka əsaslı Meta AI köməkçisinin aylıq istifadəçi auditoriyası, inteqrasiya olunduğu bütün tətbiqlər üzrə, 1 milyard nəfərə çatıb. Bu barədə Meta Platforms şirkətinin rəhbəri Mark Zuckerberg səhmdarlarla illik görüş zamanı məlumat verib. Auditoriyanın artmasına ayrıca Meta AI tətbiqinin istifadəyə verilməsi də təsir edib. Zuckerberg bildirib ki, bu il şirkət əsas diqqətini Meta AI-nin təkmilləşdirilməsinə və onu fərdiləşdirmə, səsli qarşılıqlı əlaqə və əyləncə sahələrinə yönəlmiş qabaqcıl süni zəka köməkçisinə çevirməyə yönəldəcək.

Alimlər ilk dəfə güclü lazer vasitəsilə maye halında karbon əldə edib və laboratoriya şəraitində onun strukturunu öyrəniblər. Əvvəllər bu prosesin mümkün olmadığı düşünülürdü. Bu nailiyyət termonüvə enerjisinin əldə olunması yolunda mühüm mərhələ sayılır, çünki maye karbon gələcək termonüvə reaktorlarının əsas komponentlərindən biri kimi qiymətləndirilir. Maye karbon termonüvə sintezi nəticəsində demək olar ki, tükənməz enerji əldə olunan termonüvə reaktorları kimi texnologiyalarda mühüm rol oynayır.

Dünyanın ən kiçik iki ayaqlı robotu olan Zippy texnologiya dünyasında təkcə ölçüsü ilə deyil, sürəti ilə də diqqət çəkib. Karnegi Mellon Universitetində hazırlanmış bu innovativ mikrorobot nəinki Ginnesin Rekordlar Kitabına düşmüşdür, həm də gələcək axtarış və xilasetmə texnologiyaları üçün öz potensialını nümayiş etdirmişdir. Cəmi 3,6 sm boyunda olmasına baxmayaraq, Zippy öz hündürlüyündən təxminən on dəfə çox olan addımlarla saniyədə 25 sm-ə qədər yerimə surəti ilə seçilir. 

Zippy-nin arxasında duran tədqiqat qrupu əvvəlki nəsil robotu Mugatu-nun təcrübəsindən istifadə edərək bu mikrorobotu hazırlayıb. Mugatu 18,5 sm hündürlükdə idi və 1930-cu illərdən öz çəkisi altında gəzən oyuncaq fiqurlarından sonra dizayn edilmişdir.

OpenAI kimi texnologiya nəhəngləri insan yerinə adi vəzifələri yerinə yetirəcək qədər inkişaf etmiş modellər üzərində çalışarkən, bu modellərin emosional zəka sahəsindəki performansı artıq göz ardı edilə bilməyəcək səviyyəyə çatıb. İsveçrənin Cenevrə və Bern universitetlərindən alimlərin birgə apardıqları yeni araşdırma, köhnə dil öyrənmə modellərinin emosional anlayışda insanları üstələdiyini ortaya çıxarıb. Beləliklə, süni intellekt artıq emosiyaları dərk etməkdə insanlardan belə daha yaxşıdır.

Communications Psychology jurnalında dərc edilən araşdırmada ChatGPT-4, Gemini 1.5 Flash, Claude 3.5 Haiku da daxil olmaqla altı aparıcı süni intellekt modeli sınaqdan keçirilib.

Google Chrome-da “Google Password Manager” xidmətinə yeni funksiya əlavə edilib. Google I/O 2025-in bir hissəsi kimi elan edilən yeni funksiya oğurlanmış parolları dərhal bərpa etməyə imkan verəcək. Beləliklə, Google şirkətinin elan etdiyi yeni funksiya ilə artıq oğurlanmış parollar avtomatik olaraq dəyişdirəcək.

Tədbirdə elan edilən yeniliklərdən biri də Google Chrome-a əlavə olunacaq yeni təhlükəsizlik funksiyası idi. Google Chrome istifadəçiləri artıq parollarının oğurlanmasından narahat olmayacaqlar.