Kompüter kursları haqqında məlumat

Kompüter kurslarına son zamanlar Azərbaycanda böyük maraq var. Bugünkü gündə həyatımızı kompütersiz təsəvvür etmək çox çətindir. Çox təəssüf ki, çoxları şəxsi kompüterin resurslarından düzgün şəkildə istifadə edə bilmir. Kompüter kurslarının əsas məqsədi tələbəni kompüter biliklərinin bütün fundamental əsaslarına yiyələndirməkdir. Bu gün hər hansı bir şirkətin ofisində kompütersiz keçinmək mümkün deyil. Kompüter kursları proqramına geniş teoretik və praktik hazırlıq daxildir, prosesin özü isə müasir aparat va proqram təminatı ilə professional işləyən təcrübəli müəllimlərin rəhbərliyi ilə aparılır. Kompüter kursları nəinki yeni başlayan istifadəçilərə, həmçinin informasiya texnologiyası sahəsində  artıq müəyyən bilik əldə etmiş və bu biliklərini inkişaf etdirmək istəyən şəxslərə də  kömək edir və bu da sözsüz ki, texnoloji proqreslə tam ayaqlaşmağa  imkan yaradır. Kompüterdən istifadə edə bilməyənlər üçün kompüter tədrisinin aktuallığı çox vacibdir. Çünki hal-hazırda demək olar ki, artıq kompüter işlənməyən heç bir iş sahəsi qalmamışdır. Kompüter proqramlarını bilmək bir çox peşə sahiblərinə lazımdır. Buna görə də əgər siz kompüter biliklərinə daha yaxşı yiyələnmək və ya hər hansı proqramdan istifadə qaydasını bilmək istəyirsinizsə, bizim kursumuza müraciət edə və seçilmiş proqramlar üzrə müəyyən biliklərə sahib ola bilərsiniz.

C səviyyəli

Yeni başlayanlar üçün kompüter kursları

 İnternet və Yeni Texnologiyaların Tədrisi Mərkəzində  aşağıdakı istiqamətlər üzrə hazırlıq kursları tədris olunur:

Yeni başlayanlar üçün kompüter kursları proqramına  Windows 10, Ms Word 2019, Ms Excel 2019 və Ms PowerPoint 2019 proqramları üzrə dərslərin keçirilməsi aiddir. Dərslər tələbələrə uyğun  vaxtda keçirilir. Başlanğıc kompüter kursları yüksək ixtisaslı müəllimlər tərəfindən keçirilir. Bizim mütəxəssislərimiz sizi maraqlandıran hər bir suala səlist və dəqiq cavab verəcəklər. Müasir  iş sərbəst kompüterdə işləmək deməkdir. Bu proqrama brouzerlərlə işləmək və E-mail-in yaradılması kimi mövzular da daxildir.

Microsoft Windows 10

Burada Windows 10 –un ilk görünüşü verilir və Windows 10 əməliyyat sistemiylə kompüterdə iş seansının necə keçirilməsindən bəhs edilir.

Microsoft Windows 10 sistemi onda baş vermiş prosesləri öyrənmədən kompüterdən asanlıqla istifadə etməyə imkan yaradır. Əməliyyat sisteminin funksiyalarını sizin kompüterinizin beyin və sinir sistemiylə müqayisə etmək olar. Əməliyyat sistemi təminetmə proqramı ilə qarşılıqlı hərəkət edir və sizin kompüterinizin digər kompüterlərlə və digər elektron düzəltmə tipləriylə: printerlə, skanerlə, modemlə, şəbəkə kartı ilə və s. qarşılıqlı hərəkət etməyə imkan yaradır.

Microsoft Word 2019

Microsoft Word proqramı sizə  daxilində olan funksiyalar vasitəsiylə mətnlə bağlı işlərin bütün növlərini  və professional şəkildə təsdiq olunmuş sənədləri yaratmağa kömək edir. Lisenziyanın güclü funksiyaları, qeydlərin qoyulması və versiyaların müqayisəsi kolleqalardan alınmış fikirlərin, rəylərin toplanmasına sürətlə imkan yaradır. Məlumatların toplanmasının geniş imkanları işgüzar informasiyasının vacib mənbələrilə bağlı olan sənədlərin əlaqəsini təmin edir.

Microsoft Excel 2019

Excel təlim kursu sizə imkan verəcək ki, siz müasir verilənlər bazasını öyrənməklə elektron cədvəllərdə mürəkkəb hesablamalar apara biləsiniz. Excel kursu ümumi informasiyadan (məqsəd, imkan), terminologiyadan, idarəedici elementlərin funksiyaları haqqında məlumatdan, obyektlər və menyu komandalarından ibarətdir. Bundan başqa tez-tez təsadüf edilən sual və məsələlərin həlli prosedurları da ona daxil edilmişdir. Excel kursunun dinləyiciləri yüksək ixtisaslı müəllimlərin rəhbərliyi altında, bəzi praktiki tapşırıqları yerinə yetirirlər, onların məsləhət və köməkliyi ilə öyrənilən materialların mənimsənilməsi həyata keçirilir. Bütün bunlar sonradan hər dinləyiciyə müstəqil olaraq Excel elektron cədvəllərinin yaradılmasına və idarə olunmasına imkan verir. Excel kursu keyfiyyətli metodik materiallardan istifadə etmək əsasında dinləyicilərin bu kursları öyrənməsinə fəal cəlb edilməsi əsasında təşkil olunur. Məşğələlər sizə sərfəli olan vaxtlarda və sərbəst, sadə şəraitdə keçirilir.

Kompüter qrafikası

Corel DRAW

Bu kurs  qrafik sistemin  struktur imkanlarının tam açılmasını, qrafik görüntülərin emalı metodlarını, kompüter və vektor qrafikini tətbiq etmək bacarığını öyrədir. Təklif olunan CorelDRAW kursu “vektor”,  “krivaya bize”  kimi populyar və digər başqa  növ kompüter və vektor qrafikaları ilə işləməyi öyrədir. CorelDRAW kurslarının dinləyiciləri, yüksək ixtisaslı müəllimlərin rəhbərliyi altında bəzi praktiki tapşırıqları yerinə yetirirlər və onların məsləhət və metodik göstərişlərı ilə alınan biliyi möhkəmləndirirlər. CorelDRAW kursu gələcəkdə kitab üzlərinin, maketlərin,  visit kartların, firma blanklarının, loqotip və açıqcaların yaradılmasında, onların qrafik təsvirlərinin redaktə edilməsini müstəqil olaraq həyata keçirməyə imkan verəcəkdir.

Photoshop

Photoshop təlim kursu Rastr qrafikası və onun yaradıcılıq, bədii emalı, habelə Adobe Photoshop proqramında fotomontaj və yüksək keyfiyyətli animasiya görüntülərini yaratmaq məqsədinə xidmət edir.

Böyük iş təcrübəsi olan yüksək ixtisaslı müəllimlər, relyef, işıqlanma, şəklin konturlarını ifadə etmək məqsədilə kölgə üsulundan istifadə etməklə kolajların yaradılmasını  öyrənməyə xüsusi diqqət edirlər.

Photoshop kursunun dinləyiciləri zədələnmiş fotoşəkillərin bərpasını brush alətləri vasitəsilə ağ-qara şəkillərin rəngli təsvirə keçirilməsini “ Stamp ” history öyrənirlər. Bütün bunlar sonralar Photoshop proqramları daxilində qrafik təsvirlərin yaradılmasını, onların redaktə edilməsini təmin edir. Bu işlər isə kitabların üz qabığının, vizit kartların, firma blankların və açıqçaların yaradılmasında istifadə edilir.

Web-dizayn

HTML, CSS, JavaScript

Kursun proqramı Windows əməliyyat sistemindən mükəmməl istifadə edə bilən istifadəçilər üçün nəzərdə tutulmuşdur. Abituriyentlər JavaScript və CSS–də proqramlaşdırma kurslarını, internetdə verilənlər bazasından istifadə etməyi öyrənəcəklər. Məşğələlər müasir kompüter texnikası ilə təchiz olunmuş kompüter siniflərində aparılır. Web proqramlaşdırma kurslarının dinləyiciləri müxtəlif sənədlərin, hesabatların, cədvəllərin, diaqramaların yaradılmasını və çap edilməsini, lazımi hesablamaların aparılmasını və s. öyrənəcəklər. Təcrübəli müəllimlər müasir web proqramları barədə məlumatlar verəcəklər, web sayt proqramları, proqramların yaradılmasının əsaslarını öyrədəcəklər. Kurs praktiki işləri öyrədir, belə ki, kursda təhsilinizi başa vurduqdan sonra siz sərbəst olaraq web saytlarına xidmət etməyi, verilənlər bazasıyla işləməyi və marketinq təhlilini aparmağı həyata keçirə biləcəksiniz. Web proqramlaşdırma kurslarını bitirən məzunlar müəyyən olunmuş nümunədə şəhadətnamə alırlar, web dizayn studiyalarında, poliqrafiya firmalarında, reklam agentliklərində və nəşriyyatlarda administrator, web-sayt hazırlayanlar, internet layihələrin rəhbərləri, internet əlavələri hazırlanması kimi sahələrdə öz karyeralarına başlaya bilərlər.

Web-saytların proqramlaşdırılması

Web-saytların proqramlaşdırılması kursu Web-saytların idarə edilməsində, optimallaşdırılmasında və ən yeni şəbəkə Web texnologiyaların istifadəsi ilə maraqlananlar üçün nəzərdə tutulmuşdur. Kurs bütünlüklə keçirildikdən sonra tələbələr PHP dili əsasında Client-Server əlaqələrinin  necə yaranmasını həmçinin məlumat bazası (MySQL kimi) ilə necə işləməyi öyrənəcəklər.

Kompüter animasiyası

İnternet və Yeni Texnologiyaların Tədrisi Mərkəzi sizlərə ən müasir proqramlarla yeni imkanlar təqdim edir. Mərkəzdə mühəndis, dizayner, memar və s. peşə sahibləri üçün professional AutoCad kursları tədris olunur. Tədris peşəkar müəllimlər tərəfindən aparılır.

AutoCAD

Tikinti layihələrinin işlənməsində istifadə edilən proqramlardan biri olaraq çox məşhurdur. AutoCad digər proqramlardan fərqli olaraq sırf dizayn işləri üçün nəzərdə tutulmayıb. Bu proqram  memarlıq və inşaat sahəsində çalışan əməkdaşlar üçün daha əhəmiyyətlidir. Onların iş şəraitini daha əlverişli etmək üçün istifadə edilir. Belə ki, hər hansı bir tikilinin dizaynını vermək üçün hal – hazırda bu proqram vasitəsilə dizayn tərtib edilir.

Bu proqram həmin sahədə çalışan şəxslər üçün ən uyğun proqramdır və bu kimi şəxslərin iş şəraitinin yaxşılaşdırılmasında mühüm rol oynayır. Onu da qeyd edək ki, proqram çox çeşidlidir. Günümüzdə bu proqrama digərlərinə nisbətən daha çox ehtiyac duyulur. Buna birinci səbəb tikinti sahəsində işlərin həddindən artıq  çox olmasıdır.

3DS Max

Kompüter elmində ən mühüm sahələrdən biri də dizayn proqramlarıdır. Müasir dövrdə dizayna olan ehtiyacı nəzərə alaraq bu sahədə çoxlu proqramlar yaradılmışdır. Dizayn proqramlarından ən çox ehtiyac duyulan və geniş istifadəçi kütləsi olan 3D Studio MAX,  3D görüntülü qrafik və animasiya proqramıdır. Bu proqramın Autocad və Archicadla bir çox ortaq yönü və  birini digərindən üstün tutan incə nüansları var. Lakin hər birinin məqsədi eynidir.

3D Studio Max Digər proqramlara nisbətən istifadəsi rahat və daha çox imkanlara sahib proqramdır. Məhz, sizləri bu proqram  üzrə ixtisaslaşdırmaq məqsədilə Naxçıvan Muxtar Republikasında ilk dəfə olaraq, yalnız İnternet və Yeni Texnologiyaların Tədrisi Mərkəzində 3DS MAX proqramının tədrisi həyata keçirilir. Bu proqramı öyrənməklə, siz  xəyalınızdakı iş dünyanızı reallaşdıra bilərsiniz.

Archicad

Archicad proqramı əsasən inşaat çertyojlarının hazırlanması üçün nəzərdə tutulmuş və bütün alətləridə məhz bu işin mükəmməl həyata keçirilməsi üçün formalaşdırılmışdır. ArchiCad proqramı sizə istənilən tikinti növünün və onu tamamlayan obyektlərin yaradılmasına imkan yaradır. Bu proqram sizə istənilən mürəkkəblikdə pilləkənlərin, dam örtüklərinin, istənilən dizaynda zövq oxşayan qapı-pəncərələrin və s. tikintidə istifadə olunan bütün materialların zövqlə hazırlanması üçün istifadə olunur. Archicad  arxitektura və daxili dizayn sahəsində əsasən memarların  istifadə edə biləcəkləri layihə məqsədli istifadə üçün ideal bir proqramdır.

Hazır obyektlərdən ibarət olan son dərəcə inkişaf etmiş kitabxanası sayəsində  işlərinizi ən qısa müddətdə və mükəmməl şəkildə işləyəcəyinizə imkan yaradır.

Bu kimi yeni proqramların yaradılması dünyadakı elmin sürətlə inkişafı ilə bağlıdır. Əgər siz bu proqramları bilirsinizsə, deməli kompüter sahəsində xeyli biliklərə maliksiniz. Bu proqramları öyrəndikdən sonra istənilən şirkətdə memar, mühəndis, dizayner kimi çalışa bilər və işlədiyiniz sahədə böyük uğurlar əldə edə bilərsiniz.

İmtahan qaydaları:

İmtahan 1 mərhələdən ibarətdir: test mərhələsi.

Test mərhələsi 50 sualdan ibarətdir. Dinləyicilərdən 35 və ya daha yuxarı suala düzgün cavab verənlər test imtahanından keçmiş sayılır.

Kursun sonunda imtahandan müvəffəqiyyətlə keçən dinləyiciyə dövlət qeydiyyatından keçmiş şəhadətnamə təqdim edilir.