MSI şirkəti yeni gaming monitorunu təqdim edib. Şirkətin yeni gaming monitoru MSI MPG 242R X60N adlanır. Bu yeni monitor yüksək göstəricidə təsvir yenilənməsi ilə seçilir. Beləliklə monitor 600 Hz-lik təsvir yenilənməsinə sahib 1920x1080 piksel keyfiyyətli 24.1 düym ölçülü TN ekranla təchiz olunub. Ekranın standart parlaqlıq səviyyəsi 350 nit, maksimal parlaqlıq səviyyəsi 500 nit, istifadəçi əməliyyatlarına reaksiya müddəti isə 0.1 millisaniyə təşkil edir. Ekran sRGB rəng diapazonunun 119%-ni, DCI-P3 rəng diapazonunun 93%-ni, Adobe RGB rəng diapazonunun isə 89%-ni əhatə edir. Monitor HDMI 2.1 FRL, DisplayPort 1.4a, USB-C, USB-B və USB-A girişlərini əldə edib. USB-C girişi vasitəsilə digər cihazları şarj etmək mümkündür. Bunun üçün o, 98 vatt çıxış gücünə sahibdir.

Niderlandın Delft Texniki Universitetindən bir qrup alim avtopilot rejimində işləyən dronlar sahəsində əlamətdar bir hadisəni qeyd edib. Belə ki, süni zəka tərəfindən idarə olunan uçan aparat beynəlxalq yarışda ilk dəfə insan pilotları qabaqlaya bilib. Bu hadisə 2025-ci ildə Əbu-Dabidə keçirilmiş A2RL Drone Championship yarışında baş verib. Birləşmiş Ərəb Əmirliklərinin paytaxtında yerləşən böyük və əyri konstruksiyalı məkanda dron yarışlarına həsr olunmuş iki nüfuzlu tədbir keçirilib. Falcon Cup Finals yarışında bir-birilə insan pilotları mübarizə aparıblar.

Süni zəkanın tətbiqi bəşər tarixindəki bütün əvvəlki texnoloji inqilablardan fərqlənir. Vençur investoru Mary Meeker 340 slayddan ibarət hesabat yayımlayıb və bu hesabatda “misilsiz” sözü 51 səhifədə yer alır. Hesabatda süni zəkanın necə sürətlə inkişaf etdiyi, tətbiq olunduğu, maliyyələşdirildiyi və istifadə edildiyi ətraflı şəkildə təqdim olunub. Bu proseslər çoxsaylı qrafik və diaqramlarla dəstəklənib. Məsələn, ChatGPT cəmi 17 ay ərzində 800 milyon istifadəçiyə çatıb. Bu qədər qısa müddətdə belə auditoriyaya çatan heç bir texnologiya olmayıb. Mary Meeker, Bond vençur şirkətinin təsisçisi və baş tərəfdaşıdır.

Meta şirkəti Aria Gen 2 adlı təcrübi ağıllı eynəyi ilə bağlı bəzi detalları açıqlayıb. Bu eynək artırılmış reallıq, süni zəka və robototexnika sahəsində tədqiqatlar üçün platforma kimi hazırlanıb. Meta Aria Gen 2 ağıllı eynəyi kompakt çərçivəyə malikdir və gələcəkdə istehlak cihazlarında istifadə oluna biləcək bir sıra texnoloji həllərlə seçilir. Bu həllər arasında baxış istiqamətini, göz qırpmasını və göz bəbəyinin mərkəz mövqeyini qeydə alan göz izləmə sistemi var.Meta nümayəndələrinin sözlərinə görə, bu qabaqcıl siqnallar istifadəçinin vizual diqqətini və niyyətlərini daha dəqiq anlamağa kömək edir

Əməliyyat epilepsiyadan müalicə alan xəstənin beyin əməliyyatı planı zamanı həyata keçirilib. Paradromics tərəfindən hazırlanmış cihaz təxminən 20 dəqiqəlik qısa müddət ərzində xəstənin beyninə daxil edilib və sonra uğurla çıxarılıb. Şirkət bildirib ki, bu prosedurla cihazın insan beyninə təhlükəsiz şəkildə implantasiya oluna və sinir fəaliyyətini uğurla qeyd edə biləcəyini sübut edib. Paradromics-in baş direktoru və qurucusu Matt Angle verdiyi açıqlamada bildirib ki, “Biz qoyunlarda cihazımızın məlumat və uzunömürlülük baxımından sinifdə ən yaxşı olduğunu nümayiş etdirmişik və indi onun insanlarla uyğun olduğunu göstərdik. Bu, həqiqətən həyəcan vericidir və qarşıdan gələn klinik sınaqlarımız üçün böyük həyəcan yaradır”.