Təcrübi 6G şəbəkəsində məlumatları rekord sürətlə ötürmək mümkün olub
London Universitet Kollecinin tədqiqatçıları təcrübi 6G şəbəkəsini test ediblər. Məlumata əsasən test edilmiş təcrübi 6G şəbəkəsi məlumatların rekord sürətlə ötürülməsini təmin edərək aktual 5G şəbəkələrini 5000 dəfə üstələyib. Tədqiqatçıların sözlərinə əsasən aparılmış test çərçivəsində onlar təcrübi 6G şəbəkəsində məlumatların saniyədə 938 Gbit sürətlə ötürülməsinə nail olublar. Müqayisə üçün qeyd etmək lazımdır ki, mövcud olan 5G şəbəkələrdə məlumatların ortalama ötürülmə sürəti saniyədə 200 Mbit təşkil edir.Təcrübi 6G şəbəkəsində bu cür yüksək sürət məlumatların elektron və optik ötürülmə üsullarının kombinasiyası sayəsində əldə edilib.WhatsApp-da səsli mesajları sevməyənlər üçün faydalı funksiya istifadəyə verilib
WhatsApp komandası messencerdə yeni faydalı funksiyanın istifadəyə verildiyini elan edib. İstifadəyə verilmiş yeni funksiya səsli mesajları sevməyən istifadəçilər üçün əla fürsətdir. Söhbət, səsli mesajların mətn formatına çevrilməsi funksiyasından gedir. Funksiya Voice message transcripts adlanır. Qeyd etmək lazımdır ki, oxşar funksiya artıq müəyyən müddət ərzində Telegram-da mövcuddur. Lakin Telegram-da funksiyadan yararlanmaq üçün Telegram Premium abunəliyinə sahib olmaq lazımdır.Dünyanın ən güclü superkompüteri təyin edilib
El Capitan adlı superkompüter 1.7 FLOPS (ekzaflops) performans göstəricisi sayəsində dünyanın ən güclü superkompüterləri reytinqində birinci yeri tutub. Livermor Milli Laboratoriyasında yerləşən bu superkompüter reytinqin daha öncəki lideri olmuş Frontier adlı superkompüteri (1.3 FLOPS) ikinci pilləyə endirib. Daha öncə reytinqin ikinci pilləsində qərarlaşmış Intel Aurora adlı superkompüter isə üçüncü pilləyə düşüb.Kaspersky saxta CAPTCHA-lar barədə istifadəçilərə xəbərdarlıq edir: Virus yükləmiş ola bilərsiz!
Bu yaxınlarda istifadəçilərin kripto və bank məlumatları CAPTCHA görünüşlü saxta reklamlar vasitəsilə ələ keçirilib. Belə ki, bu reklamlar sayəsində kompüterə virus yüklənir və cihazınızdakı bütün əməliyyatlar nəzarət altında olur. Kaspersky saxta CAPTCHA-lar barədə istifadəçilərə xəbərdarlıq edir və daha diqqətli olmağa dəvət edir.
Məhsulun təşviqi ilə yanaşı, internet reklamları da istifadəçilərin cihazları sındırmaq üçün kiber hücumçular tərəfindən effektiv şəkildə istifadə olunur. İstifadəçilər və sistemlər təhlükəsizlik tədbirləri gördükcə zərərli reklamlar yenilənir və yeni üsullar sınaqdan keçirilir. Bu yaxınlarda istifadəçilər saxta
Ardını oxu...
Robot tərəfindən hazırlanmış rəsm hərraca çıxarılacaq
Sotheby’s adlı hərrac evi 31 oktyabr tarixində Digital Art Day Auction adlı online hərracı təşkil edəcək. Baş tutacaq bu online hərrac rəqəmsal incəsənətə həsr edilib. Hərraca çıxarılacaq maraqlı lotlardan biri də süni zəka vasitəsilə çalışan insanabənzər robot tərəfindən hazırlanmış rəsmdir. Rəsm “A.I. God. Portrait of Alan Turing” adlanır. Bu, ilk haldır ki, böyük hərrac evi belə bir lotu satışa çıxarır. Məlumata əsasən sözügedən rəsmin 100 000-150 000 funt sterlinqə satılacağı güzlənilir. Qeyd etmək lazımdır ki, rəsmdə britaniyalı riyaziyyatçı və kriptoqraf Alan Turing əks olunub. O, informatikanın “atası” hesab edilir. Rəsm süni zəka sisteminə sahib Ai-Da adlı robot tərəfindən tərtib edilib.
