Google şirkəti Play Store-dakı köhnə tətbiqləri gizlətməyə başlayacaq. Bu cür tətbiqlərdən istifadə edən şəxslər üçün onlar hələ də əlçatan olacaqlar. Lakin yeni istifadəçilər sözügedən tətbiqləri tapa və öz cihazlarına quraşdıra bilməyəcəklər. Verilmiş məlumata əsasən Google Play Store-da 3.5 milyon tətbiq mövcuddur. Onlardan çoxu isə artıq uzun müddətdir ki, müasir proqram təminatı tələblərinə cavab vermir. Çox halda bu cür tətbiqlər heç bir təhlükə mənbəyi daşımırlar. Lakin buna baxmayaraq Google şirkəti istifadəçilər üçün ola biləcək riskləri minimuma endirmək istəyir. Beləliklə şirkət bu ilin noyabr ayından başlayaraq köhnə tətbiqləri Google Play Store daxilində gizlətməyə başlayacaq.

“Twitter” sosial şəbəkəsi mesajların redaktə edilməsi funksiyasının tətbiqi üzərində işləyir.

Bu barədə məlumat sosial şəbəkənin kommunikasiyalar şöbəsinin hesabında yer alıb.

Bildirilir ki, bu qərarın “Twitter”də yeni pay sahibi olan İlon Maskın sorğusu ilə əlaqəsi yoxdur və tərtibatçılar ötən ildən “tvit redaktəsi” funksiyası üzərində işləyirlər. Bu barədə aprelin 1-də əsas sosial şəbəkə hesabında mesaj da dərc edilib, lakin ictimaiyyət bunu zarafat kimi qəbul edib.

Funksiyanın ictimai domendə görünməsinin dəqiq tarixi hələ məlum deyil. Ancaq bu funksiya ilk olaraq ödənişli “Twitter Blue” abunəçiləri üçün əlçatan olacaq.

Apple şirkəti tərtibatçılar üçün nəzərdə tutulmuş WWDC 2022 tədbirinin keçiriləcəyi tarixi elan edib. Sözügedən tədbir 6-10 iyun tarixlərində online fomatda baş tutacaq. WWDC 2022 tədbiri çərçivəsində Apple şirkəti öz əməliyyat sistemlərinin yeni versiyalarını anons etməlidir. Təbii ki, iPhone istifadəçilərinin sözügedən tədbirdən ən çox gözlədikləri yeni iOS 16 əməliyyat sistemidir. İnternetdə artıq iOS 16 barəsində ilk məlumatlar ortaya çıxıb. Beləliklə insayderlər xəbər veriblər ki, yeni əməliyyat sistemi qapalı beta test mərhələsinə keçid edb.

"Google Chrome" brauzerində təhlükəsizlik boşluğu aşkar edilib. Hakerlərin bu vəziyyətdən yararlanmasının qarşısını alacaq yeniləmə gözlənilir.

Bu barədə Xüsusi Rabitə və İnformasiya Təhlükəsizliyi Dövlət Xidmətinin Kompüter İnsidentlərinə Qarşı Mübarizə Mərkəzinin açıqlamasında bildirilir.

Məlumatda deyilir ki, dünyanın ən məşhur internet brauzeri "Google Chrome" tez-tez həddindən artıq prosessor və RAM istehlak etdiyinə görə tənqid olunur. Ancaq yenə də milyardlarla istifadəçi "Chrome"a üstünlük verir.

Hələ bir neçə müddət bundan öncə Instagram-ın rəhbəri Adam Mosseri bildirmişdi ki, fotoservisin tərtibatçıları bu il əsas diqqətlərini Instagram daxilindəki mesajlara ayıracaqlar və bu məsələ ilə bağlı yeni funksiyalar istifadəyə veriləcək. Sözügedən yeni funksiyalar artıq istifadəyə verilib. Beləliklə istifadəyə verilmiş funksiyalar arasında Instagram-a daxil olmuş mesajlara birbaşa ana səhifədən cavab vermək imkanı var. Bundan sonra istifadəçi bu və ya digər kontenti izləməyi dayandırmadan və mesaj bölməsinə keçid etmədən daxil olmuş mesaja birbaşa ana səhifədən cavab verə biləcək.