Sosial mesajlaşma platforması "WhatsApp" yeni funksiyanı təqdim etməyə hazırlaşır.

XəzərXəbər xəbər verir ki, bundan sonra göndərilən mesajları redaktə etmək mümkün olacaq. Bir mesajın redaktəsi üçün platforma 15 dəqiqə vaxt ayıracaq. Redaktə edildikdən sonra mesaj "redaktə edildi" kimi qeyd olunacaq. Yeni funksiyanın bütün "WhatsApp" istifadəçiləri üçün nə vaxt əlçatan olacağı dəqiq bilinmir.

Qeyd edək ki, bu funskiya "Facebook"un həm paylaşım bölümündə, həm də şərh bölməsində aktivdir. "Instagram"da isə yazılan hər hansı şərhi redaktə etmək mümkün deyil.

Tikintidə istifadə edilən "Ero Concrete" robotu beton konstruksiyaları sökmək üçün yaradılan unikal qurğudur.

Çox sadə iş prinsipinə malik robotun digər analoqlarından fərqli xüsusiyyəti toz qaldırmadan və minimum səs-küylə işləməsidir.

Bu zaman iş prosesində bütün yığılmış beton təkrar emal edilir, bundan sonra təkrar istifadə üçün tam yararlı olur.

Dünyanın məşhur video platforması "Youtube" istifadəçiləri üçün yeni funksiya tətbiq etməyə başlayıb.

Sözügedən funksiya vasitəsilə istifadəçilər platformada izləyiciləri tərəfindən hansı videoya neçə dəqiqə baxıldığını öyrənə biləcək, hətta burada uzun müddət vaxt keçirənlər üçün "Youtube" tərəfindən bildiriş də göndəriləcək.

Qeyd edək ki, bu funksiyanı ötən günlərdə "Facebook" və "İnstagram" da tətbiq etmişdi.

Bir neçə müddət bundan öncə Huawei şirkəti Mate 50, Apple şirkəti isə iPhone 14 smartfon seriyasını təqdim etmişdi. Sözügedən smartfonların ortaq cəhətləri ondan ibarətdir ki, onlar peyk şəbəkəsi dəstəyini əldə ediblər. Beləliklə həm Huawei Mate 50 həm də iPhone 14 smartfonlarının istifadəçiləri mobil şəbəkə əhatəsinin olmadığı ərazilərdə peyk şəbəkəsindən istifadə edərək fövqəladə hallar xidməti ilə əlaqə yarada biləcəklər. Ortaya çıxmış yeni məlumata əsasən isə Samsung şirkəti öz rəqiblərindən geridə qalmaq istəmir və buna görə də Huawei və Apple kimi özünün Galaxy smartfonlarına peyk şəbəkəsi dəstəyini əlavə etməyi planlaşdırır.

Alman eksperimentator Fabian Ştelzer süni intellektdən (Sİ) istifadə edərək film yaradacaq. Müəllif gələcək "Duz" adlı filmindən bir səhnə təqdim edib.

Müəllifin sözlərinə görə, film tamamilə neyron şəbəkələr dəsti ilə yaradılacaq. Bu şəbəkələr sayəsində görüntü və personajların səsləri, eləcə də xüsusi effektlər yaradılacaq.

F.Ştelzer kino sahəsində yenilikçi olmaq niyyətindədir və süni intellektin onun ssenarisi üzrə tammetrajlı film yarada biləcəyinə inanır.