Paint və Notepad Windows əməliyyat sisteminin yeganə ştat tətbiqləri deyillər. Sözügedən tətbiqlərdən əlavə olaraq Windows-un tərkibinə həmçinin müxtəlif multimedia alətləri daxildir və Microsoft yaxın zamanda onlardan birini təkmilləşdirəcək. Söhbət, videoların redaktə edilməsi üçün nəzərdə tutulmuş tətbiqdən gedir. Yaxın zamanda primitiv Gallery funksiyalarının əvəzinə təkmilləşdirilmiş proqram alətləri istifadəyə veriləcək. Clipchamp adlı tətbiq artıq Windows 11 Insider Preview Build 22572 test versiyasında istifadəyə verilib.

Google şikətinə məxsus olan DeepMind laboratoriyası daha əvvəl uğurla süni zəkaya insan səviyyəsində proqramlaşdırmanı öyrətmişdi. İndi isə mütəxəssislər daha bir sahəni fəth etmək qərarına gəliblər Söhbət, süni zəkanın tətbiqi arxeologiyada istifadəsindən gedir. Belə ki, DeepMind-ın yaratdığı yeni süni zəka sistemi qədim mətnləri yüksək dəqiqliklə bərpa edə bilir. Yaradılmış yeni süni zəka sistemi qədim mətnlərin itmiş hissələrini bərpa etməklə yanaşı onların mənşəyni və tarixini təyin edə bilir. Bunun üçün DeepMind mütəxəssisləri İtaliyadan, Fransadan və Yunanıstandan olan tarixçilər ilə birlikdə süni zəka sistemini qədim yunan mətnləri üzrə böyük məlumatlar bazası vasitəsilə təlimatlandırıblar. Nəticədə Ithaca adlı süni zəka sistemi yaradılıb.

Google şirkəti istifadə edilməyən tətbiqlər tərəfindən yaddaşda tutulan yerin 60%-nin azad olmasına imkan verəcək yeni funksiya üzərində çalışır. Archived APK adlı bu yeni funksiya istifadə edilməyən tətbiqlərin arxivləşdirilməsi imkanını verəcək. Qeyd etmək lazımdır ki, arxivləşdirmə prosesi zamanı istifadəçinin tətbiqdəki məlumatları yox olmayacaqlar. Bazarda hal hazırda satılan smartfonların əksəriyyəti 64 GB-dan daha yüksək yaddaş həcminə sahibdir. Lakin köhnə smartfonlar daha aşağı yaddaş həcminə sahibdirlər. Android cihazlarda yaddaş həcminin çatışmazlığı problemini aradan qaldırmaq üçün Google şirkəti yaxın zamanda archived APK adlı funksiyanı istifadəyə verəcək.

Apple şirkəti dünən 5G dəstəkli yeni iPhone SE (2022) smartfon modelindən əlavə olaraq 5G dəstəkli 5-ci nəsil iPad Air planşetini, yeni Mac Studio kompüterini və 27 düym ölçülü Studio Display ekranını təqdim edib. Yeni iPad Air modeli 5G dəstək ilə yanaşı Apple M1 prosessorunu və iPad Pro dizaynını əldə edib. Planşet HDR dəstəkli 10.9 düym Liquid Retina ekran ilə təchiz olunub. Planşetin ön panelinin yuxarı hissəsində 12 MP-lik kamera yerləşdirilib. Planşet həmçinin 12 MP-lik arxa kameraya sahibdir. Yeni iPad Air modeli Apple M1 prosessoru ilə təchiz olunub.

Apple şirkəti dünənki təqdimat tədbiri çərçivəsində Apple M1 prosessor seriyasının ən güclü modelini təqdim etdi. Söhbət, 20 nüvəli Apple M1 Ultra-dan gedir. Sözügedən prosessoru ilk əldə etmiş kompüter isə Mac Studio oldu. M1 Ultra-nın əsas fərqləndirici özəlliyi onun UltraFusion adlı arxitekturaya sahib olmasındadır. Onun sayəsində Apple şirkəti 2 ədəd M1 Max çipini bir böyük prosessorda birləşdirib. Bu, M1 Max-da saniyədə 2.5 TB sürətli ötürmə qabiliyyətinə sahib prosessorlararası birləşmə özəlliyi hesabına mümkün olub. Nəticədə M1 Ultra M1 Max-ın göstəricilərini iki dəfə yüksəldir.