Apple şirkəti növbəti təqdimat tədbirinin keçirilmə tarixini elan edib. Son zamanlarda olduğu kimi yeni təqdimat tədbiri də online formatda baş tutacaq. Beləliklə Apple şirkətinin növbəti təqdimat tədbiri 14 sentyabr tarixində baş tutacaq. Təbii ki, tədbirin əsas hissəsi məhz iPhone 13 smartfon seriyasına həsr ediləcək. Məlumata əsasən Apple 4 yeni iPhone modelini təqdim edəcək: iPhone 13 mini, iPhone 13, iPhone 13 Pro və iPhone 13 Pro Max. Yeni iPhone 13 modelləri keçən ilki iPhone 12 modellərindən çox da fərqlənməyəcəklər. Sadəcə olaraq yeni iPhone-lar daha güclü prosessor və bir qədər təkmilləşdirilmiş kameralar ilə təchiz olunacaqlar.

Hal hazırda Whatsapp messencerə son daxil olma zamanının, istifadəçi fotosunun və istifadəçi barəsində məlumatların əks olunmaları üzrə 3 variantı təqdim edir. Belə ki, bu məlumatları istifadəçinin nömrəsinə sahib bütün insanlar və ya yalnız istifadəçinin kontaktında olan insanlar üçün görünən etmək və bütün istifadəçilərdən gizlətmək olar. Beləliklə əgər istifadəçi messencerə sonuncu dəfə daxil olduğu zamanı konkret insanlardan gizlətmək istəsə, o bunu bütün istifadəçilər üçün edə və ya yalnız kontaktlarındakı şəxslər üçün məhdudlaşdıra bilər. Lakin bu vəziyyət yaxın zamanda dəyişə bilər. Belə ki, verilmiş məlumata əsasən Whatsapp-a bu məsələ ilə bağlı yeni variant əlavə ediləcək.

Microsoft şirkəti istifadəçilərin narazılıqlarını nəzərə alaraq elan edib ki, Windows 11 əməliyyat sistemini köhnə kompüterlərə də quraşdırmaq mümkün olacaq. Lakin bu halda istifadəçilər bəzi çətinliklərlə qarşılaşacaqlar. Qeyd etmək lazımdır ki, Windows 11-in təqdimatı zamanı Microsoft-un bu əməliyyat sistemi üçün səsləndirmiş olduğu sistem tələbləri istifadəçilər arasında narazılıqlarla qarşılanmışdı. Belə ki, hətta bir qədər güclü kompüterlərin istifadəçiləri də yeni əməliyyat sisteminin quraşdırılması şansından məhrum olmuşdular. Şirkət bunu təhlükəsizliyi yüksək səviyyədə düşünməsi ilə əlaqələndirmişdi və bildirmişdi ki, o, köhnə kompüterlərə yeni əməliyyat sisteminin quraşdırılması üzrə mövcud olacaq bütün üsullarla mübarizə aparacaq.

Apple şirkətinin ənənəvi sentyabr təqdimatına bir neçə həftə qalmış insayderlər təqdimat tədbirinin keçirilmə tarixi barəsində məlumat veriblər. Bununla yanaşı insayderlər həmçinin bütün iPhone 13 modellərinin satış qiymətlərini də açıqlayıblar. Beləliklə insayderlərin təqdim etmiş olduqları məlumata əsasən Apple şirkətinin təqdimat tədbiri 17 sentyabr tarixində baş tutacaq. Bununla belə Wedbush adlı investisiya şirkətinin analitiki konkret tarix söyləməyərək qeyd edib ki, Apple şirkətinin növbəti təqdimat tarixi 13-17 sentyabr aralığında baş tutacaq. Artıq məlumdur ki, Apple 4 iPhone 13 modelini təqdim edəcək: iPhone 13, iPhone 13 mini, iPhone 13 Pro və iPhone 13 Pro Max. Bütün iPhone 13 modelləri A15 Bionic prosessoruna sahib olacaqlar.

iPhone SE modelini saymasaq digər iPhone-lar son illərdə ənənəvi Touch ID texnologiyasını əldə etməyiblər. Lakin məlumata əsasən yaxın gələcəkdə bu texnologiya iPhone modellərinə geri qayıda bilər. Bloomberg saytının jurnalisti Mark Gurman-ın sözlərinə əsasən Apple şirkəti yaxın gələcəkdə təqdim olunacaq iPhone modellərində həqiqətən də Touch ID texnologiyasının reallaşdırılmasını nəzərdən keçirdir. Lakin məlumatda qeyd edilib ki, şirkət bunu bir qədər fərqli tərzdə reallaşdırmağı planlaşdırır.

 Jurnalist bildirib ki, şirkət gələn ay təqdim olunacaq iPhone 13 modellərində ekrana inteqrasiya edilən barmaq izi skanı texnologiyasının reallaşdırılmasını artıq nəzərdən keçirdib və hətta bu istiqamətdə testlər də aparıb.