“Wi-Fi” fərdi kompüterlər və mobil qurğular kimi simsiz kommunikasiya qurğularına şəbəkə əlaqəsi yaratmağa imkan verən avadanlıqdır. “Wi-Fi” texnologiyasından istifadə etməklə internetə uzaq məsafədən bağlanmaq daha asan və rahat olsa da, təhlükəsizlik məqsədilə “Wi-Fi” şəbəkəsinə qoyulan şifrələrin kənar şəxslər tərəfindən ələ keçirilməsi internetə giriş sürətinin dərhal azalmasına, fərdi məlumatların oğurlanmasına, hətta kibercinayətkarlıq hadisəsinin törədilməsinə gətirib çıxara bilər.

Minerva Labs ekspertləri məşhur Telegram messencerinin ziyankar quraşdırma proqramları barədə xəbərdarlıq edir. Mütəxəssislərin sözlərinə görə, proqramın troyanlı versiyası Windows sistemində Purple Fox backdoor-nu (“arxa qapı”) quraşdırır. Purple Fox ilk dəfə 2018-ci ildə tədqiqatçılar tərəfindən aşkar olunmuş, onun antivirus vasitələrini ötüb keçməyə imkan verən funksional imkanları müəyyən edilmişdir. 2021-ci ilin mart ayında qeyd etmişdik ki, Purple Fox operatorları ziyankar proqramın Microsoft Windows-un bütün ekosistemində sərbəst şəkildə yayılması üçün “soxulcan” funksiyasını əlavə etmişdir.

İsveç Əmək Bazarının Qiymətləndirilməsi və Təhsil Siyasəti İnstitutu tezliklə hansı peşələrin yerini süni intellekt (AI) alacağı ilə bağlı araşdırma aparıb.

Verilən məlumata görə tədqiqatçılar hesab edirlər ki, süni intellekt texnologiyası getdikcə daha çox funksiyanı öz üzərinə götürür ki, bu da gələcəkdə cəmiyyətin müxtəlif fəaliyyət sahələrində əmək haqqı baxımından təbəqələşməyə səbəb olacaq.

Danderyud Xəstəxanasının ortoped-cərrahı Maks Qordon bildirib ki, süni intellekt nəinki ixtisaslı kadrları, hətta bəzi həkimləri, məsələn, rentgenoloqları əvəz edə bilər.

2035-ci ilə qədər smartfonlar və elektromobillərin havadan enerji yığacağı proqnozlaşdırılır.

Mütəxəssislərinin fikrincə, bir neçə ildən sonra 6G şəbəkələri sayəsində müxtəlif cihazları enerji ilə daha asan doldurmaq mümkün olacaq.

Enerjinin 6G qüllələri vasitəsilə ötürülməsi qəbuledici ilə anten arasında müəyyən tezlikli radiodalğalar sayəsində baş verəcək. Bu halda şüa müxtəlif maneələri dəf edə biləcək. Ekspertlərin rəyinə görə, bu üsulla elektrik enerjisi uzun məsafələrə ötürüləcək. 

Rəqəmsal İnkişaf və Nəqliyyat Nazirliyi yanında Elektron Təhlükəsizlik Xidməti vətəndaşları Android cihazlarda “SMS” vasitəsilə yayılan və istifadəçilərin fərdi məlumatlarını ələ keçirən “FluBot” zərərverici proqramı ilə bağlı xəbərdar edir.

Belə ki, istifadəçinin cihazının yoluxdurulması üçün ilk öncə telefonuna mətnində ona sifariş verdiyi  bağlamanın çatdığı, şəxsi şəkillərinin başqa şəxs tərəfindən ələ keçirildiyi, istifadəçiyə mobil operatordan mesaj gəldiyi,