Apple brend texnologiya məhsulları və smartfonları bazarda ən populyar cihazlar arasında olsa da və bütün dünyada milyonlarla insan tərəfindən istifadə edilsə də, bu kimi məhsulların əvvəlindəki 'i' hərfinin nə demək olduğu həmişə maraq mövzusu olub. Şirkət tərəfindən istehsal olunan iPhone, iPad və iWatch kimi məhsullar buraya daxildir.

Bu sualın cavabını 1998-ci ildə bir konfransda "Apple"ın qurucusu mərhum Stiv Cobs verdiyi ortaya çıxdı və 'i' hərfinin bir deyil, beş sözü ifadə etdiyi açıqlanıb. Bu günə qədər ən populyar təxmin 'i' hərfinin İnterneti təmsil etməsi idi.

Almaniyanın “Cerabyte” şirkəti məlumatların saxlanmasının yeni texnologiyası üzərində işləyir. Bu texnologiya cəmi 50-100 atom qalınlığında keramik nanoqatlardan hazırlanmış yeni daşıyıcıya QR-kodları yerləşdirmək imkanı verir. Yeni texnologiya məlumatların uzunmüddətli saxlanması sənayesində inqilab da edə bilər.

Şirkət yeni texnologiyanın məlumatları Selsi şkalası üzrə 300 dərəcə temperaturadək 5 min il ərzində saxlamaq qabiliyyətinə malik olduğunu təsdiqləyir.

Google təhlükəsizlik səbəblərini əsas gətirərək, dekabrın 1-də qeyri-aktiv Google hesablarını və onların məzmununu silməyə başlayacaq.

Şirkət ilk dəfə bu ilin may ayında qeyri-aktiv hesablar siyasətinə dair yeniləməni elan etdi . Şirkətə görə, qeyri-aktiv Google Hesabı iki il ərzində istifadə olunmayan hesabdır.

Google Workspace (Gmail, Sənəd, Disk, Meet, Təqvim) və Google Fotodakı məzmun daxil olmaqla, qeyri-aktiv hesablar və onların bütün məzmunu silinəcək.

Google-un Məhsulların İdarə Edilməsi üzrə Vitse-Prezidenti Ruth Kricheli, qeyri-aktiv hesab siyasətləri ilə bağlı may ayında etdiyi yeniləmədə "Hesab uzun müddət qeyri-aktiv qalarsa, daha yüksək kompromis riski altındadır" dedi.

Hesabın silinməsi prosesi mərhələlərlə həyata keçiriləcək. Google, profillərin silinməsi ilə bağlı ilkin olaraq qeyri-aktiv Google hesablarına e-poçt bildirişləri göndərəcəyini açıqladı. Daha sonra bildirişlər əlaqəli bərpa e-poçt ünvanlarına göndəriləcək.

Google Drive servisinin istifadəçiləri öz fayllarının yoxa çıxması problemi ilə qarşılaşıblar. Bu problemlə qarşılaşmış istifadəçilərin sözlərinə əsasən onların faylları Google Drive servisindən tamamilə yoxa çıxıblar. Daha dəqiq desək, istifadəçilər fayllara giriş imkanından məhrum olublar və onların Google Drive hesablarındakı qovluqlar strukturu 2023-cü ilin may ayındakı struktura geri qayıdıb. Google məsələ ilə bağlı araşdırmaya start verdiyini bildirib. Şirkət istifadəçilərə Google Drive hesablarında hər hansısa dəyişikliyi etməməyi məsləhət görüb. İstifadəçilərdən biri qeyd edib ki, onun bu ilin may ayından sonra yaratmış olduğu faylların hamısı servisdən yoxa çıxıb. Fayllar nə qovluqlarda nə də zibil qutusundadırlar.