BƏƏ-də bütün uşaqlar süni zəka ilə bağlı tədrisə başlayacaqlar
Birləşmiş Ərəb Əmirlikləri (BƏƏ) 2025-ci ildən etibarən süni zəkanı məktəbəqədər və məktəb təhsil proqramına daxil etməyi planlaşdırır və bununla da regionda uşaqları erkən yaşdan süni zəka ilə işləməyə öyrədən ilk ölkələrdən biri olacaq. Hakimiyyət orqanları eyni zamanda süni zəka infrastrukturuna da aktiv şəkildə investisiya yatırır və ümid edir ki, yeni nəsil mütəxəssislər ölkənin qlobal arenadakı mövqeyini möhkəmləndirəcəklər. 2025-2026-cı tədris ilindən başlayaraq BƏƏ-nin dövlət məktəblərində süni zəka üzrə kurs bütün yaş qrupları üçün - uşaq bağçalarından tutmuş sonuncu siniflərə qədər - təqdim olunacaq.
Ardını oxu...
"Skype" fəaliyyətini dayandırdı
Bu gündən "Microsoft" şirkəti "Skype" platformasının fəaliyyətini rəsmi olaraq dayandırıb.
Şirkətin texniki dəstək səhifəsində istifadəçi hesablarının avtomatik olaraq "Microsoft Teams" xidmətinə köçürüləcəyi qeyd olunub.
Qeyd edək ki, "Skype" platforması ilk dəfə 2003-cü ildə istifadəyə verilib və 2011-ci ildə "Microsoft" tərəfindən satın alınıb.
Visa yeni süni intellekt sistemini təqdim edib!
Visa, yeni süni intellekt sistemi ilə alış-verişi rəqəmsal agentlərə təhvil verən bir həll təqdim edib. Alış-veriş istifadəçilərin müəyyən etdiyi limitlər daxilində süni intellektə həvalə edilib.
Visa süni intellektlə alış-verişin yolunu açır. Şirkətin elan etdiyi yeni sistem sayəsində artıq rəqəmsal agentlər sizin adınıza məhsulların axtarışı, seçilməsi və alınması ilə məşğul olurlar. Məqsəd bu yeni alış-veriş tərzini həm daha təhlükəsiz, həm də idarə edilməsini asanlaşdırmaqdır.
Ardını oxu...Süni intellektin dünayın ələ keçirmək ehtimalı 20% imiş!
Yəqin ki, bir körpünün uçmaq üzrə olduğu ehtimalı 20 faiz olsaydı, heç kim o körpüdən keçməyə cürət etməzdi. Habelə, Təyyarənin 20 faiz qəza ehtimalının olduğunu bilsəydik, heç kim o təyyarəyə minməzdi. Ancaq süni intellekt kimi inqilabi texnologiyanı ona etibarımız və gözləntilərimizlə sürətlə irəlilədikcə, eyni 20 faizi göz ardı edirik. Lakin bu dəfə xəbərdarlıq süni intellektin yaradıcılarından biri tərəfindən edilir: Geoffrey Hinton. Belə ki, onun CBS telekanalına müsahibəsində verdiyi açıqlaması hər kəs tərəfindən təəccüblə qarşılanıb. Müasir süni intellektin memarlarından biri olan və “Süni intellektin atası” kimi tanınan Nobel mükafatı laureatı Hinton bildirib ki, süni intellektin dünyanı ələ keçirmək ehtimalı 20%-dir.
Yaxın zamanda Grok 3.5-in istifadəyə veriləcəyini elan edilib
xAI şirkətinə məxsus süni zəka çat-botu Grok yaxın zamanda yeni bir yeniləmə əldə edəcək. Söhbət, Grok 3.5-dən gedir. Hazırda bu versiya beta test mərhələsindədir və geniş ictimaiyyət üçün əlçatan deyil. Lakin SuperGrok abunəçiləri ona artıq gələn həftə erkən çıxış əldə edəcəklər. Rəsmi buraxılış tarixi hələ təsdiqlənməsə də, qarşıdakı yeniləmənin əsas xüsusiyyətlərindən biri Grok 3.5-in texniki suallara unikal cavablar verə bilməsi olacaq. Xüsusilə, Musk Grok-un yeni versiyasının elektrokimya və raket mühərrikləri kimi mürəkkəb elmi-texniki sahələrdə müəyyən dəqiqliklə işləmək qabiliyyətini vurğulayıb.
