Dünyanın məşhur video platforması "Youtube" istifadəçiləri üçün yeni funksiya tətbiq etməyə başlayıb.

Sözügedən funksiya vasitəsilə istifadəçilər platformada izləyiciləri tərəfindən hansı videoya neçə dəqiqə baxıldığını öyrənə biləcək, hətta burada uzun müddət vaxt keçirənlər üçün "Youtube" tərəfindən bildiriş də göndəriləcək.

Qeyd edək ki, bu funksiyanı ötən günlərdə "Facebook" və "İnstagram" da tətbiq etmişdi.

Bir neçə müddət bundan öncə Huawei şirkəti Mate 50, Apple şirkəti isə iPhone 14 smartfon seriyasını təqdim etmişdi. Sözügedən smartfonların ortaq cəhətləri ondan ibarətdir ki, onlar peyk şəbəkəsi dəstəyini əldə ediblər. Beləliklə həm Huawei Mate 50 həm də iPhone 14 smartfonlarının istifadəçiləri mobil şəbəkə əhatəsinin olmadığı ərazilərdə peyk şəbəkəsindən istifadə edərək fövqəladə hallar xidməti ilə əlaqə yarada biləcəklər. Ortaya çıxmış yeni məlumata əsasən isə Samsung şirkəti öz rəqiblərindən geridə qalmaq istəmir və buna görə də Huawei və Apple kimi özünün Galaxy smartfonlarına peyk şəbəkəsi dəstəyini əlavə etməyi planlaşdırır.

Alman eksperimentator Fabian Ştelzer süni intellektdən (Sİ) istifadə edərək film yaradacaq. Müəllif gələcək "Duz" adlı filmindən bir səhnə təqdim edib.

Müəllifin sözlərinə görə, film tamamilə neyron şəbəkələr dəsti ilə yaradılacaq. Bu şəbəkələr sayəsində görüntü və personajların səsləri, eləcə də xüsusi effektlər yaradılacaq.

F.Ştelzer kino sahəsində yenilikçi olmaq niyyətindədir və süni intellektin onun ssenarisi üzrə tammetrajlı film yarada biləcəyinə inanır.

Cari ilin oktyabr ayından etibarən məşhur vatsap messenceri bəzi “Apple” smartfonlarını artıq dəstəkləməyəcək.

 “iOS 10” və “11” əməliyyat sistemli “iPhone” istifadəçiləri vatsapdan proqram təminatının iOS 12 və digər versiyalara yenilənməsi tövsiyəsi ilə bağlı bildirişlər almağa başlayıb. Əks halda, 24 oktyabr 2022-ci il tarixindən etibarən messencer istifadəçiləri ona girişi itirəcək.

Eyni zamanda, hələ də populyar olan “iPhone 5” və “iPhone 5C” smartfonlarını “iOS 12”-ə yeniləmək mümkün deyil. Beləliklə, oktyabrın sonundan bu smartfonların sahibləri vatsapdan istifadə edə bilməyəcəklər.

    ABŞ-ın Kolorado ştatında maraqlı bir hadisə baş verib. Belə ki, keçirilmiş incəsənət müsabiqəsinin iştirakçılarından biri neyron şəbəkəsi tərəfindən generasiya edilmiş rəsm əsəri sayəsində müsabiqənin rəqəmsal incəsənət kateqoriyasında qalib gəlib. Bu isə öz növbəsində internet istifadəçiləri arasında narazılıqlara və müzakirələrə səbəb olub. Məlum olub ki, sözügedən kateqoriya üzrə qalib gəlmiş Jason Allen adlı şəxs stolüstü oyunların hazırlanması ilə məşğul olan Incarnate Games şirkətinin prezidentidir. Onun neyron şəbəkəsi vasitəsilə generasiya etmiş olduğu əsər “Theatre D’opera Spatial” adını əldə edib.