İstifadəyə verildiyi vaxtdan 28 il sonra Microsoft şirkəti WordPad tətbiqini ləğv etməyi qərara alıb. Bu barədə məlumat şirkətin yenilənmiş dokumentasiyasında əks olunub. Şirkət bildirib ki, WordPad bundan sonra yeni funksiyaları və yenilənmələri əldə etməyəcək. Üstəlik növbəti Windows yenilənməsi WordPad-ı əməliyyat sistemindən tamamilə siləcək. Onun yerinə Microsoft Word və ya Notepad tətbiqlərindən birini istifadə etməyi məsləhət görür. Qeyd etmək lazımdır ki, şirkət WordPad tətbiqini 28 il bundan öncə anons etmişdi və o, Microsoft Write adlı mətn redaktorunun davamçısı hesab edilirdi.

Whatsapp tərtibatçıları elan ediblər ki, yenilənmiş Whatsapp tətbiqi artıq macOS istifadəçiləri üçün də istifadəyə verilib. Hələ bir neçə müddət bundan öncə yenilənmiş Whatsapp tətbiqi Windows-da istifadəyə verilmişdi. İndi isə növbə macOS istifadəçilərinə çatıb. Məlumatda qeyd edilib ki, macOS üçün istifadəyə verilmiş yenilənmiş Whatsapp qrup audio və videozənglərini dəstəkləyir.

Audio zənglərdə maksimum 32 nəfər, videozənglərdə isə 8 nəfər iştirak edə bilər. MacOS istifadəçiləri həmçinin zənglərin tarixçələrinə nəzər yetirə,

Meta şirkətı süni zəka sahəsindəki yeni məhsulunu təqdim etməyə hazırlaşır. Söhbət, proqram təminatı kodlarının tərtib edilməsi imkanına sahib süni zəka modelindən gedir. Bu layihə Code Llama adını əldə edib. Sözügedən layihə Meta-nı Google, Microsoft və OpenAI şirkətlərinin daxil olduqları siyahıya əlavə edə bilər. Code Llama adlı süni zəka modeli istifadəçinin sorğusu əsasında proqram təminatı kodlarını tərtib edə biləcək.

Elon Musk xəbər verib ki, istifadəçilərin bloklanması funksiyası X-də (keçmiş Twitter) aradan qaldırıla bilər. Bloklama funksiyası sayəsində X istifadəçiləri digərlərini öz paylaşımlarını izləmək, abunə olmaq və əlaqə qurmaq imkanından məhrum edirlər. Bu cür tədbir sosial platformada ola biləcək təqib, mənəvi təcavüz və təhqir kimi poroblemləri aradan qaldırmağa imkan verir. Bütün bu funksiyalar X-də aradan qaldırıla bilər.

“Özəl mesajlar istisna olmaqla bloklama funksiya şəklində aradan qaldırılacaq” - deyə Musk qeyd edib. Onun fikrincə bu funksiyanın heç bir mənası yoxdur. Bu cür qərar X-ə App Store ilə Google Play-də ciddi problemlər yarada bilər.

Google müxtəlif Android cihazların sinxronlaşdırılmasına hədəflənmiş yeni funksiyanı istifadəyə verməyi planlaşdırır. Məlumata əsasən sözügedən funksiya Apple ekosistemində eyni məqsədə hədəflənmiş Continuity adlı funksiyaya bənzəyəcək. Əgər istifadəçi bir neçə Android cihaza sahibdirsə və onların hamısında bir Google hesabına daxil olubsa, həmin cihazlar sözügedən funksiya vasitəsilə bir-biriləri ilə qarşılıqlı əlaqədə ola biləcəklər.

Bu funksiya çərçivəsində reallaşdırılacaq Call Switching imkanı zəng prosesi zamanı bir cihazdan digərinə keçidi mümkün edəcək.