Meta şirkəti Whatsapp-a yeni funksiyalar əlavə etməklə messenceri təkmilləşdirməyə davam edir. WABetaInfo saytının verdiyi məlumata əsasən hal hazırda messencerdə bir neçə yeni funksiya test olunur və onlar yaxın zamanda istifadəçilər üçün təqdim ediləcək. İstifadəyə veriləcək funksiyalar barəsində məlumatlar verilib. Beləliklə şirkət Whatsapp-ın iOS versiyasında zənglər üçün picture-in-picture funksiyasını test edr. Bu funksiya çərçivəsində istifadəçi Whatsapp vasitəsilə daxil olan və ya edilən zəng zamanı smartfonda digər işlərini görə biləcək.

 Stenford Universitetinin alimləri xroniki yaraların öhdəsindən gələ bilən “smart” yara bandı hazırlayıblar. Siçanlar üzərində aparılmış testlər nəticəsində məlum olub ki, sözügedən yara bandı yaranın sağalma müddətini 25%, dərinin bərpası müddətini isə 50% sürətləndirir. Sözügedən yara bandı iki laydan ibarətdir. Üst layda qalınlığı 100 mikron olan polimer lent yerləşir və həmin lentə elektron komponentlər yerləşdirilib. Aşağı layda isə öz tərkibinə görə dərini xatırladan rezin hidrogelden ibarətdir. Aşağı lay öz növbəsində yara ilə təmasda olur. Yara bandında olan biosensorlar daimi şəkildə yaranın temperaturunu və cərəyan impedansını (dəyişən cərəyan axınına müqavimət) nəzarətdə saxlayırlar. Bu isə ola biləcək iltihabın müddətini aşağı salır.

Hər yeni nəsil mobil şəbəkənin inkişaf dövrü 10 il çəkir. 4G şəbəkəsi 2009-cü ildə təqdim edilmişdi. 2019-cu ildə isə 5G şəbəkəsi təqdim olundu. 6G şəbəkəsinə gəldikdə, onun 2029-2030-cu ildə istifadəyə verilməsi gözlənilir. Verilmiş yeni məlumata əsasən ZTE şirkəti 6G şəbəkəsinin testlərini uğurla yekunlaşdırıb. Aparılmış testlər çərçivəsində şirkət bəzi şəbəkə göstəricilərini yoxlayıb. Lakin məlumatlarda sözügedən şəbəkənin konkret göstəriciləri qeyd edilməyib. Bununla belə 6G perspektiv olaraq məlumatların ötürülməsi sürətini qat-qat yüksəldə bilər. ZTE şirkəti 6G şəbəkəsini əhatə edən tədqiqatlara artıq 16 milyard yuan vəsait xərcləyib.

Verilmiş məlumata əsasən Google şirkəti yeni məxfi layihə üzərində çalışır. Şirkətin yeni məxfi layihəsi çərçivəsində neyron şəbəkə əsasında proqram kodunu generasiya edə biləcək süni zəka sistemi hazırlanır. Məlumata əsasən bu cür sistem fərdi şəkildə proqram kodları yarada, onları yeniləyə və onlardakı səhvləri aradan qaldıra bilər. Bu layihə Google şirkətinin foto, video və s. generasiya etməyi bacaran süni zəka alqoritmlərinin yaradılması ilə bağlı olan daha böyük proqramının bir hissəsidir. Məlumatda qeyd edlib ki, proqram kodunun generasiyası layihəsi Pitchfork kod adına sahibdir.

 O, Alphabet holdinqinin “X” adlı şöbəsində yaradılıb.

Avropa Birliyi artıq 2027-ci ilə kimi peyklərdən ibarət olacaq telekommunikasiya şəbəkəsinə sahib olmağı planlaşdırır. Avropa Parlamenti və Avropa Birliyi ölkələri IRIS2 adlı bu layihənin reallaşdırılmasına artıq razılıq veriblər. Layihə 6 milyard avro dəyərində qiymətləndirilir. Avropa Birliyi büdcəsindən bu layihəyə 2.4 milyard avro vəsaitin yatırılması planlaşdırılır. Yerdə qalan 3.6 milyard avro vəsaiti isə özəl şirkətlər və Avropa Kosmik Agentliyi investisiya şəklində yatıracaqlar. Gözləntilərə əsasən layihə infrastrukturunun 30%-i Avropa şirkətləri tərəfindən qurulacaq. Nəticədə Avropa Birliyi fərdi kosmik şəbəkə sistemini əldə edəcək.