Cənubi Avstraliya Universitetinin alimləri ilk dəfə sistemli şəkildə nümayiş etdirdilər ki, süni intellekt çatbotları sağlam qidalanmaya, sistemli yuxuya keçərkən insanın ən yaxın köməkçisi ola bilər.

Cənubi Avstraliya Universitetində süni intellekt texnologiyasını təkmilləşdirən bir qrup alim bu dəfə çatbotu gündəlik istifadə üçün yararlı hala gətirib. Belə ki, yeni texnologiya istifadəçilərə fərdi və fəslə uyğun pəhriz proqramı təqdim edir, hər gün qəbul edilən qida miqdarına uyğun su miqdarı təyin edir və nə qədər idman etməli olduğunu müəyyənləşdirir.

Orkney adaları Böyük Britaniyada poçtu dronla çatdıran ilk yer oldu.

Bu əməliyyat “Royal Mail” və “Skyports” dron xidməti tərəfindən həyata keçirilib. “Royal Mail” adalar arasında məktub və bağlamaları paylamaq üçün limanları dayanacaq məntəqələri olaraq təyin edib.

İlkin sınaqlar zamanı Şotlandiya məktəbləri üçün yemək, Mull xəstəxanasına tibbi maskaların çatdırılması uğurla başa çatıb. Sözügedən xidmətin ilkin olaraq üç aylıq fəaliyyəti maliyyələşdirilsə də, “Royal Mail” tələbat yaranarsa, fəaliyyət müddətini artıracaqlarını bildirib.

Perdyu Universitetinin tədqiqatçıları robototexnika sahəsində maşın görmə və qavrayışda HADAR adlı patenti gözlənilən metod hazırlayıblar. Ənənəvi metodların məhdudiyyətlərini aradan qaldıran bu üsul hətta çətin işıqlandırma şəraitində belə sahələrin və obyektlərin fakturasını, dərinliyini və fiziki atributlarını qavramaq üçün termal fizika infraqırmızı təsvir və maşın öyrənməsindən istifadə edir. Yeni texnika ətraf cisimlərin kiçik ölçülü yerdəyişməsini də ayırd edə biləcək mexanizmə malikdir.

Elmore Elektrik və Kompüter Mühəndisliyi Məktəbinin dosenti Zubin Yakob və tədqiqatçı alim Fanglin Bao HADAR-ın istiliyin köməyilə uzağın müəyyən və təyin edilməsinə əsaslandığını bəyan ediblər.

Microsoft şirkəti Windows 11-də Cortana səsli köməkçisinin dəstəyinin dayandırılması prosesinə start verib. Belə ki, Windows 11-in yeni test versiyasında sözügedən səsli köməkçi artıq deaktiv edilib. Bununla yanaşı Windows 11-in stabil versiyasında Microsoft Store tətbiqinin yenilənməsini əldə etmiş bəzi istifadəçilər də qeyd ediblər ki, yenilənmədən sonra Cortana artıq çalışmır. Windows 11-in yeni test versiyasında Cortana-nı işə salmaq istəyən zaman istifadəçiyə belə bir bildiriş sərgilənir. “Cortana Windows-da avtonom tətbiq kimi artıq köhnəlib”.

Google şirkəti istifadəçinin özü barəsində məlumatları internetdə axtarıb tapmaq və onların Google axtarış nəticələrindən silinməsi proseslərini sadələşdirən yeni funksiyanı təqdim edib. Google bu və ya digər istifadəçinin yaşadığı yerin ünvanı, telefon nömrəsini və elektron poçt ünvanını internetdə tapdığı zaman bu barədə bildirişi ona göndərəcək. İstifadəçi Google tərəfindən tapılmış məlumatlarla yaxından tanış olandan sonra onların Google axtarış nəticələrindən silinmələrini reallaşdıra bilər. Keçən ilin sentyabr ayında şirkət “Results about you” adlı funksiyanı anons etmişdi.