Forrester şirkətinin analitiklərinin proqnozlarına əsasən bu onilliyin sonuna kimi generativ süni zəka təkcə ABŞ-da 2 milyondan çox iş yerini ələ keçirəcək. Proqnozlara əsasən bu, 2030-cü ilə qədər baş verəcək və 2.4 milyon iş yerini əhatə edəcək. Generativ süni zəkadan ilk öncə zərər çəkəcək işçilər isə müxtəlif ofis tapşırıqlarını yerinə yetirən şirkət əməkdaşları olacaqlar. Ümumilikdə isə süni zəka 11 milyon iş yerinə öz təsirini göstərəcək.

Meta Platforms şirkəti OpenAI şirkətinin GPT-4 modelini geridə qoymağı hədəfləyib. Buna görə də şirkət yeni süni zəka modelinin hazırlanmasına start verib. Öz süni zəka modelinin təlimatlandırılması üçün şirkət NVIDIA-nın H100 adlı süni zəka çiplərini alır və data mərkəzlərini genişləndirir. Meta öz yeni süni zəka modelinin təlimatlandırılmasını gələn ilin əvvəlinə planlaşdırır. Sözügedən layihənin əsas məqsədi insan ünsiyyətini imitasiya etməyi bacaracaq yeni nəsil süni zəka alətlərinin yaradılmasıdır.

Bu, Meta şirkətinin generativ süni zəka sahəsindəki texnologiyalarının növbəti məntiqli inkişafı olacaq.

“SpaceX” kompaniyasının “Falcon 9” daşıyıcı raketi qlobal internet şəbəkəsi üçün nəzərdə tutulan 21 ədəd “Starlink” peyklərindən ibarət növbəti qrupu orbitə çıxarıb.

Kompaniyanın saytında yerləşdirilən məlumata görə, daşıyıcı raket bazar ertəsi günü ABŞ-ın Sakit okean sahilləri vaxt ilə saat 23:57-də ABŞ Kosmik Qüvvələrinin Kaliforniyadakı bazasından start götürüb.

Bu, 2019-cu ildən bəri internet peyklərinin orbitə çıxarılan sayca 107-ci qrupudur. “SpaceX” indiyədək kosmik fəzaya ümumilikdə 5 mindən çox peyk buraxıb.

“Meta” şirkəti “Facebook” və “Instagram” platformalarında reklam göstərməyən ödənişli abunə xidməti təklif etməyi planlaşdırır.

Bu yeni xidmət yalnız Avropa İttifaqı (Aİ) ölkələrində mövcud olacaq. “Meta”nın bu addımı Aİ-nin məlumat məxfiliyi və reklam haqqında tənzimləyici yoxlama və məxfiliklə bağlı narahatlıqlara cavab olaraq ortaya çıxır.

Qeyd edək ki, "Meta Platforms", "Inc"., (ticarət adı "Meta"; əvvəllər "Facebook, Inc".),

İstifadəyə verildiyi vaxtdan 28 il sonra Microsoft şirkəti WordPad tətbiqini ləğv etməyi qərara alıb. Bu barədə məlumat şirkətin yenilənmiş dokumentasiyasında əks olunub. Şirkət bildirib ki, WordPad bundan sonra yeni funksiyaları və yenilənmələri əldə etməyəcək. Üstəlik növbəti Windows yenilənməsi WordPad-ı əməliyyat sistemindən tamamilə siləcək. Onun yerinə Microsoft Word və ya Notepad tətbiqlərindən birini istifadə etməyi məsləhət görür. Qeyd etmək lazımdır ki, şirkət WordPad tətbiqini 28 il bundan öncə anons etmişdi və o, Microsoft Write adlı mətn redaktorunun davamçısı hesab edilirdi.