Bloomberg saytının məşhur insayderi Mark Gurman-ın sözlərinə əsasən Apple özünün Lightning girişindən bütün cihazlarda vidalaşmaq və onu USB-C ilə əvəz etmək niyyətindədir. Bununla belə şirkətin bəzi məhsullarında bunun reallaşdırılmasını bir qədər gözləmək lazım gələcək. Keçən həftə təqdim edilmiş iPhone 15 smartfon seriyasına daxil olan bütün modellər USB-C-yə keçid etdilər. Eyni zamanda şirkət USB-C dəstəkli şarj keysinə sahib AirPods Pro 2-ni də təqdim etdi.

Elon Musk dünən İsrailin baş naziri ilə görüşü zamanı X (keçmiş Twitter) sosial şəbəkəsi ilə bağlı gözlənilməz bəyanat verib. Görünür, Musk öz sosial şəbəkəsini hamı üçün ödənişli etmək niyyətindədir. “Bu, çoxlu sayda botlarla mübarizə aparmağın yeganə yoludur” - deyə Musk qeyd edib. Onun sözlərinə əsasən hər bir botun yaradılmasına bir neçə dollar vəsait sərf edilsə, deməli onların yaradılması o qədər də sərfəli olmayacaq. Üstəlik hər bir bot üçün fərqli ödəniş sistemindən istifadə etmək lazım gələcək.

Bir il əvvəl Stability AI, açıq mənbəli təsvir yaradan AI modeli Stable Diffusion-un arxasında dayanan Londonda yerləşən startap, mətn təsviri və sözügedən mahnıların səs effektləri əsasında mahnılar və səs effektləri yarada bilən Dance Diffusion modelini sakitcə buraxdı.

Bu Stability AI-nin generativ audioda ilk cəhdi idi. Lakin Dance Diffusion elan edildikdən sonra təxminən bir il ərzində hər şey məhsuldar audio cəbhəsində sakit idi.

Microsoft şirkətinin ən son təqdim etdiyi Windows 11 əməliyyat sistemi daim təkmilləşir. Belə ki, indi Windows 11 əməliyyat sisteminə əlavə edilən əlverişli yenilik ilə ekran görüntülərindən mətn kopyalamaq mümkündür. Yəni Snipping Tool proqramı artıq işimizi asanlaşdıracaq. Əslində bu xüsusiyyət hazırla bir çox android və iOS cihazlarında istifadə olunur. Microsoft rəqiblərindən geri qalmayaraq bu yeniliyi kompüterlər üçün də əlçatan edir.

Google yaxın zamanda süni zəka sahəsindəki yeni məhsulunu təqdim edəcək. Söhbət, Gemini adlı süni zəka sistemindən gedir. Bəzi şirkətlər artıq onun ilkin versiyasını test edirlər. Bəzi mənbələrin vermiş olduqları məlumata əsasən Gemini sistemi OpenAI şirkətinin GPT-4 modelinin əsas rəqibi olacaq. Süni zəka sahəsində mövqelərini gücləndirmək üçün Google Gemini sistemini özünün Cloud Vertex AI adlı bulud servisi üzərindən təqdim edəcək.

Qeyd etmək lazımdır ki, Gemini özündə bir sıra böyük dil modelini birləşdirən sistemdir.