Qualcomm şirkəti ilk dəfə Poco X3 Pro smartfonunda istifadəyə verilmiş Snapdragon 860 prosessoru barəsində ətraflı məlumat verib. Texniki baxımdan bu yeni prosessor 2019-cu ildə təqdim olunmuş Snapdragon 855-in təkmilləşdirilmiş versiyası qismində çıxış edir və bahalı olmayan orta büdcəli smartfonlar üçün nəzərdə tutulub. Beləliklə Snapdragon 860 modeli 7 nanometrlik texnoloji proses əsasında hazırlanıb və onun mərkəzi prosessoruna 2.96 GHz tezlikdə çalışan 8 ədəd Kryo 485 nüvəsi daxildir. Müqayisə üçün qeyd etmək lazımdır ki, eyni göstəricilərlə Snapdragon 855 prosessoru maksimum 2.84 GHz tezlikdə çalışa bilir.

Google şirkəti Android 12-nin tərtibatçılar üçün nəzərdə tutulmuş ikinci beta versiyasını təqdim edib. Təqdim edilmiş Android 12 Developer Preview 2 versiyasında yeni funksiyalar aşkar edilib. İkinci beta test əməliyyat sisteminə bir əl ilə smartfondan idarə, yenilənmiş sistem interfeysi, redizayn edilmiş vidjetlər kimi bir sıra yeni imkanlar əlavə edib. Əməliyyat sisteminin yeni beta versiyasında picture-in-picture rejiminin imkanları genişləndirilib. Bundan bu sonra bu rejimdə aktiv olan pəncərəni kənara sürüşdürmək, bir toxunuşla videonun idarəedilməsi panelini işə salmaq və pəncərəyə iki dəfə klikləyərək pəncərənin ölçüsünü kiçiltmək və ya böyütmək olar.

Google şirkəti Google Play-dən olan tətbiqlərin quraşdırılmasının optimizasiyası funksiyasını anons edib. Bu yeni funksiya tətbiqlərin quraşdırılma sürətlərini artırmaqla yanaşı smartfonun daxili yaddaşına qənaət etməyə imkan verəcək və smartfonun çalışma müddətini yüksəldəcək. Adətən Google Play-dən yüklənən tətbiq bir paket şəklində smartfona quraşdırılır. Bu halda vahid paketin daxilində lazımsız digər paketlər də olur.

    Lakin tətbiqlərin quraşdırılmasının optimizasiyası funksiyasını aktivləşdirəndən sonra Google yüklənən tətbiqin əsas funksiyalarını təyin edəcək və ilk öncə onları quraşdıracaq.

Rəsmi olaraq Yaponiyanın keçən il təqdim edilmiş Fugaku adlı superkompüteri sonunda işə salınıb. Beləliklə mütəxəssislər onun gücündən öz tədqiqatlarında istifadə edə biləcəklər. Bura həmçinin COVID-19-un müşahidə olunması və virusa qarşı effektiv dərmanın tapılması da daxildir. Fugaku superkompüterinin yaradılmasına 2014-cü ildə start verilmişdi. 7 illik hazırlanma mərhələsindən sonra Yaponiyanın Riken adlı elmi tədqiqat institutu Yer kürəsinin ən sürətli sistemini işə salmağa nail olub.

"Biz mobil şəbəkəmizi abunəçilərin istəklərinə uyğun qururuq. Bu baxımdan da əgər abunəçilər istərsə, biz 5G şəbəkəsini də onların istifadəsinə verə bilərik".

Bunu "Azerfon" MMC-nin (Nar) Baş icraçı direktoru Qunnar Panke keçirilən mətbuat konfransında deyib. Q.Panke hazırda abunəçilərə 5G xidmət göstərə biləcəklərini deyib:

"Amma bu gün üçün abunəçilərimizdə belə bir tələb görmürük.