Apple şirkəti iOS-in yeni versiyası olan iOS 15.2-ni istifadəyə verib. iOS-in bu yeni versiyası məlumatların konfidensiallıqlarının və bütün yaş qruplarında istifadəçi təcrübəsinin yaxşılaşdırılması üçün nəzərdə tutulmuş yenilikləri özündə birləşdirir. Beləliklə iOS 15.2-də reallaşdırılmış App Privacy Report funksiyası vasitəsilə iPhone istifadəçisi hansı tətbiqlərin fərdi məlumatları əldə etdiklərini, kamera və mikrofonu aktivləşdirdiklərini və bunları hansı intensivliklə reallaşdırdıqlarını müəyyən edə biləcək.

Oktyabr ayında Android 12 istifadəyə verildi. Daha sonra Google şirkəti böyük ekranlı cihazlar üçün nəzərdə tutulmuş Android 12L-i təqdim etdi. İndi isə şirkət zəif texniki özəlliklərə sahib smartfonlar üçün nəzərdə tutulmuş Android 12 Go Edition əməliyyat sistemini təqdim edib. Beləliklə şirkətin verdiyi məlumata əsasən Android 12 Go Edition-da tətbiqlərin daha sürətlə işə salınması özəlliyi reallaşdırılıb. Google tərtibatçılarının sözlərinə əsasən Go Edition-da tətbiqlər 30% daha sürətlə işə düşürlər.

 Honor şirkəti Honor X30 smartfon modelini təqdim edib. Yeni smartfon bir neçə müddət bundan öncə satışa çıxmış Honor X30 Max modelindən həm xarici görünüş həm də texniki göstəricilər baxımından fərqlənir. Honor X30-un əsas fərqləndirici özəlliyi ondan ibarətdir ki, o, Qualcomm-un yeni prosessoru ilə təchiz olunub. Beləliklə Honor X30 modeli 120 Hz-lik təsvir yenilənməsinə sahib Full HD+ keyfiyyətli IPS ekran ilə təchiz olunub. Ekranın yuxarı mərkəz hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası isə smartfonun yandırıb/söndürmə düyməsinə inteqrasiya edilib.

Huawei şirkətinin P50 Pocket adlı yeni qatlana bilən smartfonunun təqdimat tarixinin elan edilməsindən sonra onun real fotoları da internetdə ortaya çıxıb. Ortaya çıxmış fotolar şirkətin yeni qatlana bilən smartfon modelinin dizaynını qiymətləndirməyə imkan verirlər. Honor P50 Pocket-in əsas özəlliklərindən biri də o olacaq ki, onun gövdəsi işığı əks etdirən parlaq örtüyə sahib olacaq. Bununla yanaşı smarfonun qatlanma konstruksiyasında xrom materialdan hazırlanmış elementlər mövcud olacaq. Artıq fotolardan da bəllidir ki, P50 Pocket-in xarici görünüşü Galaxy Z Flip-i xatırladacaq. Smartfon gövdəsinin xarici hissəsində dairəvi formalı biki böyük sahə mövcuddur. Birinci sahədə smartfonun kameraları, ikinci sahədə isə köməkçi ekranı yerləşdirilib.

Adətən Samsung şirkətinin yeni məhsulları barəsində məlumat sızıntıları kənar resurslar tərəfindən edilir. Lakin bu məsələdə bəzən istisnalar da olur. Belə ki, bir sıra hallarda yeni məhsullar barəsində məlumat sızıntısı məhz şirkətin saytında baş verir. Belə ki, Samsung-un rəsmi saytında əvvəlki insayder məlumatlarına uyğun gələn və hələ anons edilməmiş yeni smartfon modelinin fotosu ortaya çıxıb. Söhbət, Galaxy Note 20-dən gedir. Samsung Rewards saytında ortaya çıxmış fotoya əsasən Galaxy S10+ və Galaxy S20 arasında əks olunan smartfon, ekranın alt hissəsinə inteqrasiya edilmiş ön kamera ilə təchiz olunacaq.