Xiaomi şirkəti Çində 80 vatt gücündə olan Wireles Charging Technology adlı yeni sürətli naqilsiz şarj texnologiyasını təqdim edib. 80 vatt gücündə olan bu yeni sürətli şarj texnologiyası 4000 mAh enerji tutumlu batareyanı 1 dəqiqə ərzində 10% enerji, 8 dəqiqə ərzində 50% enerji, 19 dəqiqə ərzində isə 100% enerji ilə təmin edə bilir. Müqayisə üçün qeyd etmək lazımdır ki, Xiaomi-nin keçmiş sürətli naqilsiz şarj texnologiyasının maksimal gücü 50 vatt təşkil edir.

Galaxy Note 20 smartfon seriyasının təqdimatından sonra Samsung şirkəti özünün növbəti flaqman smartfon seriyasına diqqət ayırdı. İndi isə internetdə Galaxy S21 seriyasının təqdimat tarixi ortaya çıxıb. Samsung şirkəti yeni Galaxy S seriyasını yanvar ayının əvvəlində təqdim edəcək.

    Çox güman ki, şirkət təqdimatı online formatda keçirdəcək. Yeni Galaxy S seriyasının daha tez təqdim olunacağını həmçinin bəzi hesabatlar da təsdiqləyirlər.

Dünən Huawei, Huawei Mate 40 modelinin ilk rəsmi görüntüsünü yayımladı ki, bu da əsas kameranın formasını dəyişdiyini və indi səkkizbucaqlı olduğunu təsdiqləyir.

Bundan sonra Huawei Mate 40 Pro kamerasının necə görünə biləcəyini göstərən bir şəkil yerləşdirdi. Mənbə hesab edir ki, Huawei, həqiqətən, bazarda əsas kamerada altı görüntü sensoru olan smartfon buraxan ilk şirkət ola bilər. Qeyd edək ki, modelin təqdimatı 22 Oktyabrda baş tutacaq.

Uzun çəkmiş gözləntilərdən sonra Apple şirkəti sonunda iPhone 12 smartfon seriyasını təqdim edib. Apple şirkətinin bu ilki smartfon seriyasına iPhone 12, iPhone 12 mini, iPhone 12 Pro və iPhone 12 Pro Max modelləri daxil olublar. Gəlin ilk öncə iPhone 12 və iPhone 12 mini modellərinə nəzər salaq. Sözügedən smartfonlar iPhone 5-ə bənzər yeni dizayn, keçən ilki modellər ilə müqayisədə təkmilləşdirilmiş kameralar, yeni nəsil prosessor və 5G dəstəyini əldə ediblər. Xarici görünüşcə hər iki smartfon bir-birinə bənzəyir.

Google, Meet xidmətinin Android və iOS versiyasına səs-küy ləğv etmə xüsusiyyəti gətirdi. Bulud əsaslı süni zəka dəstəyinə sahib olan xüsusiyyət, istifadəçi səsi xaricində hər şeyi süzməyə çalışır. Bundan əlavə, iclasın aparıcıları bundan sonra iştirakçıların hesabatlarını ala biləcəklər.

ABŞ mərkəzli texnologiya nəhəngi Google , getdikcə daha populyar olan Meet xidməti inkişaf etdirməyə davam edir.