Çinin texnologiya nəhəngi Xiaomi, "ən sürətli şarj" yarışında öz məharətini göstərdi. Rəsmi məlumata görə bu yeni 80W simsiz sistemidir. 80W simsiz şarj ilə 4.000mAh batareyanı səkkiz dəqiqədə 50 faizə qədər, 19 dəqiqədə 100 faiz ilə doldura biləcəyini iddia edən şirkət bunun videosunu da yaydı.
Xiaomi onsuz da bazarda ən sürətli simsiz şarjı bacaran telefonu istehsal edir:
Mi 10 Ultra , 4500mAh batareyasını 40 dəqiqə ərzində tam doldura bilən 50W simsiz texnologiyaya malikdir.

Qualcomm şirkəti Snapdragon 875 flaqman prosessorunun təqdimatına hazırlaşır və bu səbəbdən də insayderlər tez-tez onun barəsində məlumatlar verirlər. Yeni məlumatlar isə Snapdragon 875 prosessorunun performansını əhatə edir. Məlumatı təqdim etmiş mənbənin verdiyi məlumata əsasən yeni Snadragon 875 prosessoru əvvəlki modeldən 30% daha sürətli çalışacaq.  Verilmiş məlumata əsasən Lahaina kod adına sahib yeni Snapdragon 875 prosessoru AnTuTu testində 847.868 xal toplayır.

Google şirkəti məşhur Youtube servisinin mobil versiyasına bir sıra yeniliklər əlavə edib. İlk növbədə videoservisin mobil versiyasının dizaynında bir sıra dəyişikliklər edilib və videoservisdən idarə mövzusunda yeni jestlər əlavə edilib. Yeni funksiyalar videoservisin Android və iOS versiyaları üçün artıq istifadəyə verilməyə başlayıb. Videoservisin mobil versiyası üçün nəzərdə tutulmuş əsas yeniliklərindən biri də genişləndirilmiş jest idarəetməsidir. 

Huawei şirkəti özünün HarmonyOS adlı əməliyyat sisteminin inkişafını aktiv şəkildə davam etdirir. Şirkət dəfələrlə qeyd edib ki, bu yeni ekosistem özündə təkcə smartfonları deyil həmçinin bir çox müxtəlif növ cihazı da birləşdirəcək. Ortaya çıxmış yeni məlumata əsasən isə öz smartfonlarını HarmonyOS-ə keçirtməklə Huawei şirkəti EMUI interfeysindən imtina edəcək.  Huawei şirkətinin proqram təminatı şöbəsinin rəhbəri Wang Chenglu bildirib ki, EMUI 11 interfeysi HarmonyOS ilə eyni struktura sahibdir.

Redmi brendi Snapdragon 865 prosessoruna sahib Redmi K30S Commemorative Edition adlı yeni flaqman smartfonu təqdim edib. Sözügedən smartfon flaqman özəlliklər ilə yanaşı həmçinin orta büdcəli smartfon qiymətini də əldə edib. Beləliklə Redmi K30S modeli Full HD+ keyfiyyətli 6.67 düym IPS ekrana sahibdir. Ekranın özü 144 Hz-lik təsvir yenilənməsini dəstəkləyir və onun yuxarı sol hissəsində ön kamera üçün nəzərdə tutulmuş kiçik dairəvi çıxıntı yerləşdirilib. Barmaq izi skanı texnologiyası isə smartfonun yandırıb/söndürmə düyməsinə inteqrasiya edilib. Bununla yanaşı yeni Redmi K30S-in ekranı həmçinin Gorilla Glass 5 qoruyucu şüşəsi ilə əhatə olunub.