Süni zəka sahəsində fəaliyyət göstərən aparıcı beynəlxalq şirkətlər böyüməkdə olan bir problemi həll etməyə çalışırlar. Söhbət, çat-botların insanlara eşitmək istədiklərini demələrindən gedir. Financial Times yazır ki, OpenAI, Google DeepMind və Anthropic şirkətləri məhsullarının bu yaltaqlığa meylini cilovlamağa çalışırlar. Bu problem süni zəka modellərinin öyrədilmə mexanizmlərindən qaynaqlanır. Məsələ, insanlar süni zəkadan yalnız iş üçün deyil, şəxsi məqsədlərdə də istifadə etməyə başladıqda, yəni onları terapevt və ya həmsöhbət kimi görməyə başladıqda üzə çıxıb. Çat-botlar mehriban danışıq yoldaşı olmaq üçün o qədər çalışırlar ki, cavabları ilə bəzən istifadəçilərin ən doğru olmayan qərarlarını da dəstəkləyə bilirlər. 

Meta şirkəti robotlar və avtonom nəqliyyat vasitələrinin fiziki dünyanı daha yaxşı qavramasını təmin etmək məqsədilə yeni süni zəka modeli olan V-JEPA 2-nin istifadəyə verildiyini elan edib. Bu model üçölçülü məkanı analiz edə və obyektlərin davranışını böyük həcmdə məlumat tələb etmədən proqnozlaşdıra bilir. Məsələn, V-JEPA 2 masadan diyirlənən bir topun yerə düşəcəyini və ya baxış bucağından çıxmış bir obyektin yox olmadığını, sadəcə görünmədiyini müəyyən edə bilər.

Stenford Ali Biznes Məktəbinin alimlər komandası yalnız açıq mənbəli məlumatlardan istifadə etməklə investisiya fondlarının menecerlərinin fəaliyyətini təkmilləşdirmək qabiliyyətinə malik olub-olmadığını anlamaq üçün investisiya strategiyalarını təhlil edən çat-bot hazırlayıb. Nəticələr o qədər təsirli olub ki, tədqiqatçılar bütün 1 ili hesablamalarda səhv axtarmaqla keçiriblər, lakin heç bir səhv tapmayıblar. Süni zəka analitiki orta hesabla investisiya menecerlərinin 93%-ni 600% üstələyib. “Biz bu nəticəni 1 il əvvəl əldə etdik.

Google Chrome-da aşkar edilmiş və məlumatlarınızın zərərli insanların əlinə keçməsinə səbəb ola biləcək əsas təhlükəsizlik zəifliyi yeni yeniləmə ilə aradan qaldırılıb.

Google özünün məşhur brauzeri olan Google Chrome-un masaüstü versiyasında təhlükəli təhlükəsizlik açığı aşkar edib və bu boşluq zərərli insanlar tərəfindən aktiv şəkildə istifadə olunduğu üçün istifadəçilər tez bir zamanda brauzerlərini yeniləməlidirlər. Aşkar edilmiş boşluq Google Chrome-un V8 JavaScript mühərrikindədir və ekspertlər tərəfindən çox ciddi (8,8 bal) kimi qiymətləndirilib.

Apple şirkəti bu payız çıxacaq macOS Tahoe versiyasından sonra Intel prosessorlu Mac kompüterlər üçün artıq iri həcmli sistem yeniləmələri təqdim etməyəcək. Bu barədə Apple şirkətinin tərtibatçılarla iş üzrə baş direktoru Matthew Firlik WWDC 2025-in Platforms State of the Union təqdimatında açıqlama verib. Onun sözlərinə görə, macOS Tahoe, Intel Mac modelləri üçün sonuncu buraxılış olacaq. Apple-ın Intel çiplərindən özünün Apple Silicon prosessorlarına keçidi 2020-ci ildə başlayıb və 2023-cü ildə Mac Pro modeli ilə tam başa çatıb.