OpenAI, ChatGPT üçün yeni axtarış funksiyasını istifadəyə verib. Bununla, istifadəçilər keçmiş söhbətlərini açar sözlərlə axtara biləcəklər. Şirkət, bu alətlə istifadəçilərin əvvəlki dialoqlardan faydalı məlumatlara daha asan çatmalarını təmin etməyi planladığını bildirir. Axtarış funksiyası hal-hazırda OpenAI-ın Plus və Team planı abunəçiləri üçün əlçatandır. Pulsuz və təhsil istifadəçiləri isə gələn aydan etibarən bu funksiyaya giriş əldə edəcəklər. Axtarış aparıldıqda süni zəka istifadəçinin söhbət tarixçəsini yoxlayır və daxil edilmiş sözlərlə uyğunlaşan dialoqları siyahıya alır. Nəticələrə klik edildikdə isə müvafiq söhbət açılır.

“Microsoft” şirkəti “Microsoft Digital Defense Report 2024” hesabatını dərc edib. 114 səhifəlik sənəd son bir ildə müxtəlif növ kiberhücumların sayında əhəmiyyətli artım olduğunu göstərir. Sənəddə bildirilir ki, Windows istifadəçilərinə hər gün 600 milyondan çox kiberhücum baş verir. Həmçinin bu rəqəmlərin getdikcə daha çox artdığı da iddia edilib.

Süni intellekt texnologiyaları ilə ixtisaslaşan OpenAI istifadəçilərə ChatGPT-ə inteqrasiya olunmuş axtarış sistemini təqdim edib. ChatGPT yeni inteqrasiya edilən axtarış sistemi ilə Google şirkətinə rəqib olaraq onun taxtından endirə bilər.

Artıq istifadəçilər veb axtarışlarını əl ilə həyata keçirmək imkanına malikdirlər. Bu gündən etibarən ödənişli abunəçilər üçün əlçatan olan bu yeni xüsusiyyət, önümüzdəki həftələrdə pulsuz abunəliklər üçün də əlçatan olacaq. ChatGPT-nin yeni axtarış sistemi istifadəçilərə real vaxt rejimində məlumat əldə etmək imkanı verir. Axtarış sorğularının nəticələri ChatGPT-nin mövcud interfeysinə inteqrasiya edilməklə təqdim olunur.

Süni intellekt hazırda bir çox şirkətin öz işlərinə uyğunlaşdırmağa çalışdığı vacib bir faktordur. Google bu sahədə qabaqcıl şirkətlərdən biridir və bu, Google-un gəlirlərinin artmasına da mühüm töhfə verir. Alphabet-in açıqladığı rəqəmlərə görə, şirkət son rübdə 88.3 milyard dollar gəlir əldə edib. Bu gəlirin əsas hissəsi 76.5 milyard dollar gəlirlə Google Xidmətlərindən, Google Cloud-dan isə illik müqayisədə 35% artım yaşanaraq 11.4 milyard dollar gəlir əldə edilib. Xüsusilə bulud xidmətlərindəki bu artım, Google-un süni intellekt infrastrukturuna təqdim etdiyi xüsusiyyətlər sayəsində mümkün olub.Google, süni intellekti məhsul və xidmətlərinin bir çox sahəsində aktiv şəkildə istifadə edir.